Krüüzspinnen

Vun Wikipedia
Krüüzspinnen
Goornkrüüzspinne (Araneus diadematus)
Systematik
Domään: Eukaryota

ahn Rang: Veelzellers (Metazoa)
Afdeel: Geweevdeerter (Eumetazoa)
Ünnerafdeel: Tweesiedendeerter (Bilateria)

ahn Rang: Ehrdermünner (Protostomia)
Böverstamm: Huututtreckers (Ecdysozoa)
Stamm: Liddfööt (Arthopoda)
Ünnerstamm: Keevklauendregers (Chelicerata)
Klass: Spinnen (Arachnida)
Ornen: Weevspinnen (Araneae)
Ünnerornen: Echte Weevspinnen (Araneomorphae)
Familie: Echte Radnettspinnen (Araneidae)
Geslecht: Krüüzspinnen (Araneus)
Wetenschoplich Naam
Araneus
Clerck, 1757

De Krüüzspinnen (Araneus) sünd en Geslecht ut de Familie vun de Echten Radnettspinnen. Dor höört en paar Hunnert Aarden to. Dor sünd se en vun de gröttsten Geslechter in düsse Familie mit. Krüüzspinnen gifft dat up de ganze Welt. In Middeleuropa sünd mehr as tein Aarden bekannt.[1] Een vun jem is de bekannte Goornkrüüzspinne.

Kennteken[ännern | Bornkood ännern]

Ehren Naam hefft de Krüüzspinnen vun dat Krüüz up dat Achterlief vun her. Bi de Goornkrüüzspinne besteiht dat ut fiev Plackens (veer lange un en Krink in’e Midden) un bi de Veerplackenkrüüzspinne ut veer Plackens. Bi de Plackens hannelt sik dat um Produkte ut den Stoffwessel, de unner den Chitinpanzer aflagert weert.[2] Nich bi all Aarden ut dat Geslecht Araneus billt düsse Plackens worraftig en Krüüz, de meisten Aarden hefft dor en annere Teeknung uptowiesen.


En Goornkrüüzspinne boot ehr Nest
Radnett vun en Goornkrüüzspinne
Junge Goorkrüüzspinne in‘t Nett
Goornkrüüzspinne vun unnen bekeken
En Goornkrüüzspinne hett ehre Büte an ehr Nett an’e Huuswand inwickelt.

Aarden un Synonyme[ännern | Bornkood ännern]

De Eekenblatt-Radspinne Aculepeira ceropegia, de in de Paläarktis tohuse is, un de Körbsspinne Araniella cucurbitina weert faken in öllere Literatur unner Araneus ceropegia un Araneus cucurbitina upföhrt un to de Krüüzspinnen torekent. Hüdigendags weert se dor avers nich mehr totellt.

Weblenken[ännern | Bornkood ännern]

Krüüzspinnen. Mehr Biller, Videos oder Audiodateien to’t Thema gifft dat bi Wikimedia Commons.

Belege[ännern | Bornkood ännern]

  1. Blick, T., R. Bosmans, J. Buchar, P. Gajdoš, A. Hänggi, P. Van Helsdingen, V. Ružicka, W. Starega & K. Thaler, 2004. Checkliste der Spinnen Mitteleuropas. Checklist of the spiders of Central Europe. (Arachnida: Araneae). Version 1. Dezember 2004.
  2. Foelix, Rainer F. 1979. Biologie der Spinnen. Georg Thieme Verlag Stuttgart. ISBN 3-1357-5801-X