Klaus-Jürgen Heitmann

Vun Wikipedia
Zur Navigation springen Zur Suche springen

Klaus-Jürgen Heitmann (* 27. März 1968 in Stood)[1] is en düütschen Weertschopsinschenör. Siet 1. August 2017 is he de Vörstandsspreker von de Versekerungsgrupp HUK-Coburg.

Heitmann is 1968 in Stood boren un hett dat Gymnasium mit dat Abitur afslaten. He weer denn bi de Bundswehr un hett von 1988 bet 1990 bi de Concordia in Hamborg en Lehr as Versekerungskoopmann maakt. Na de Lehr hett he an de Universität Karlsruhe Weertschopsinschenörwesen mit Fachrichtung Versekerungsweertschop studeert. As Student hett he ok en Semester in’t Butenland an de Universität Kalifornien in Berkeley maakt.[2]

In’n November 1996 hett he bi de Ünnernehmensberadung Mummert + Partner (vondaag Sopra Steria) anfungen.[2] He weer eerst Senior Manager un later Partner.[2] Dor is he bet an dat Enn von dat Johr 2002 bleven.[2]

Bi de HUK-Coburg is he Anfang 2003 anfungen un is 2004 Maat von’n Vörstand mit Tostännigkeit för de Schaden-/Unfallversekerung worrn.[1] Siet 23. Juni 2017 is he Vörsitter von’n Opsichtsraad von de beiden Dochterünnernehmens HUK-Coburg-Rechtsschutz un HUK24.[3] An’ 1. August 2017 is he as Nafolger von Wolfgang Weiler Vörstandsspreker bi de HUK-Coburg worrn.[4]

Heitmann is verheiraadt un Vader von dree Söhns.[1]

Footnoten[ännern | Bornkood ännern]

  1. a b c Auto Motor und Sport Kongress 2017. Klaus-Jürgen Heitmann, Auto Motor und Sport
  2. a b c d Panel 2: Autonomes Fahren. Klaus-Jürgen Heitmann, Auto Motor und Sport an’n 21. Januar 2014
  3. Unternehmensführung. Verantwortungsbewusst: Die Corporate Governance der HUK-COBURG
  4. HUK-Coburg bekommt neuen Chef, Handelsblatt an’n 19. Dezember 2016