Kim Jong-un

Vun Wikipedia
Wesseln na: Navigatschoon, Söök

Kim Jong-un (koreaansch 김정은; * 8. Januar 1983 oder 1984) is en noordkoreaanschen Politiker. He is de jüngste Söhn von Kim Jong-il un Ko Young-hee un is na sien Vader sien Dood an’n 17. Dezember 2011 siet den 29. Dezember 2011 Führer vun Volk, Partei un Strietkraften in Noordkorea.

Kim schall bet 1998 ünner den Schuulnaam Pak Un de School Liebefeld-Steinhölzli in Bern-Liebefeld besöcht hebben. Lüüd, de em op de School kennenlehrt hebbt, seggt, dat he Engelsch (de Ünnerrichtsspraak dor), Hoochdüütsch, Swiezerdüütsch un Franzöösch snacken kunn. Von 1998 bet 2000 schall he denn op de Volksschool in Köniz wesen hebben. Von 2002 bet 2007 weer he denn op de Kim-Il-sung-Universität in Pjöngjang.

As Nafolger von Kim Jong-il in sien Rull as Föhrer von Noordkorea weer toeerst de öllste Söhn Kim Jong-nam vörsehn. Eerst 2009 is dat denn bilütten rutsuurt, dat Kim Jong-il woll Kim Jong-un as sien Nafolger vörtreckt.

An’n 27. September 2010 is he Generaal (Daejang) von de Koreaansche Volksarmee worrn. Bi de 3. Parteikonferenz von de Koreaansche Arbeiderpartei an’n 28. September 2010 is he denn Maat von dat Zentraalkomitee worrn un Viez-Vörsitter von de Zentrale Militärkommission.