Kenneth Sutherland
Dit Woort hett noch annere Bedüden: kiek dorför ünner Kenneth F. Sutherland.
Kenneth Charles Sutherland (* 23. April 1943 in Belize-Stadt) is en ehmalger Radrennfohrer ut Belize.
Sutherland is 1943 in Belize-Stadt boren. Bi de Olympschen Sommerspelen 1968 in Mexiko-Stadt hett he an’n Sprint-Weddstried deelnahmen (Resultaatlist). In de eerste Runn is he in Loop 15 gegen Jackie Simes un Daniel Goens antreden. Dorbi hett sik Simes dörsett. Sutherland keem denn in’n Repechage-Loop Nummer 12 un is dor gegen John Nicholson antreden. Nicholson hett dat Rennen wunnen. Sutherland keem dormit in de Gesamtranglist tohoop mit 38 annere Sportlers op Platz 9.
Brietsch-Honduras weer 1968 dat eerste Maal bi Olympsche Spelen dorbi un Sutherland weer een von söven Sportlers ut dat Land.