Katy Sealy

Vun Wikipedia
Zur Navigation springen Zur Suche springen

Katy Sealy (* 15. Oktober 1990 in London) is en Lichtathletin ut Grootbritannien, de för Belize antriddt.

Sealy is 1990 in London boren un in Suffolk opwussen. Ehr Vader stammt ut Dangriga in Belize, dorüm hett se en dubbelte Staatsbörgerschop von Belize un Grootbritannien. Se is toeerst för Grootbritannien antreden, aver an’n 9. Juni 2010 wesselt un geiht nu för Belize an’n Start.

Bi de Zentraalamerika- un Karibikspelen 2010 is se in’n Sövenkampf antreden un is mit 4120 Punkte op’n neegten un letzten Platz kamen.

Ok bi de Commonwealth Games 2014 in Glasgow is se in’n Sövenkampf antreden un hett dor de Fahn för Belize dragen. Se keem mit 4661 Punkte op’n neegten Platz.

Bi de Olympschen Sommerspelen 2016 in Rio de Janeiro weer se een von dree Athleten ut Belize un is in’n 100-Meter-Hürdenloop antreden. Se is an’n 16. August 2016 in de Vörrunn en Tied von 15,79 s lopen (Resultaten). Dormit keem se op’n söövten un letzten Platz un is nich in dat Halvfinaal intagen.

Bi de Commonwealth Games 2018 in Gold Coast is se mit 4743 Punkte in’n Sövenkampf op’n ölventen Platz kamen.

Sealy hett an’n 20. Dezember 2015 in London mit 1,71 m en Belize-Rekord in’n Hoochsprung opstellt un bi de Zentraalamerikaanschen Lichtathletik-Meesterschoppen 2016 an’n 17. un 18. Juni 2016 in San Salvador mit 4817 Punkte en Belize-Rekord in’n Sövenkampf. Den Speersmiet-Rekord för Belize hett se mit 37,68 m an’n 28. Juni 2015 bi de Zentraalamerikaanschen Lichtathletik-Meesterschoppen 2015 in Managua opstellt.