Kathedraal vun Amiens

Vun Wikipedia
Kathedraal vun Amiens

De Kathedraal vun Amiens (franzöösch Notre-Dame d'Amiens) is de Kathedraal in de noordfranzöösche Stadt Amiens. Mit 200.000 m³ Volumen is se de gröttste gotische Kathedraal in Frankriek. Siet 1981 staht se op de List vun’t Weltkulturarv vun de UNESCO.

Historie[ännern | Bornkood ännern]

Mit’n Bo vun de 145 Meter lange un 30 Meter brede Kark hebbt se 1220 anfungen, nadem de öllere Kathedraal in Amiens dör Füer toschannen güng. Toeerst boen se Chor un dat Schipp, dat 1247 trech weer un 42,3 Meter hooch. 1292 weer de hele Kark trech. Later kemen blot noch en poor lütte Kapellen dorto, de anboot worrn sünd.

In den Bo liggt de Gräver vun Geoffroy d’Eu un vun Evrard de Fouilloy. Evrard de Fouilloy weer de Bischop, de den Opdrag för de Kathedraal geven harr.

De Kathedraal weer Vörbild för vele annere Karken, to’n Bispeel för den Kölner Doom oder de St.-Patrick-Kathedraal in New York.


Koordinaten:49° 54′ N, 2° 18′ O