Karl Schwering

Vun Wikipedia
Wesseln na: Navigatschoon, Söök

Karl Schwering (* 29. Juni 1879 in Hannover; † 10. Januar 1948 in Stood) weer en düütschen Politiker.

He weer von 1919 bet 1932 Maat von de DVP un is an’n 29. Dezember 1933 in de NSDAP gahn.

An’n 1. Mai 1917 is he Landraad von’n Kreis Jörk worrn. Dat is he bet to’n 1. Oktober 1932 bleven, as de Kreis Jörk mit’n Kreis Stood un den Kreis Kehdingen to’n Landkreis Stood tohoopleggt worrn is. He is denn de Landraad von’n ne’en Landkreis worrn un dat bet to dat Enn von’n Tweten Weltkrieg 1945 bleven. An’n 7. Mai 1945 hebbt em de Briten fangennahmen un em bet 19. November in Haft behollen. Em is aver nich de Prozess maakt worrn.

As Landraad harr Schwering ünner annern Andeel an dat Inrichten von de Obstbauversuchsanstalt in Moorenn.

He weer verheiraadt mit Anna Maria Hertha von Kleist (Süster to Ewald von Kleist), de beiden hebbt an’n 15. März 1919 in Hannober heiraadt.