Karin Oberhofer

Vun Wikipedia
Zur Navigation springen Zur Suche springen
Karin Oberhofer 2011 (Training)

Karin Oberhofer (* 3. November 1985 in Brixen, Südtirol) is en ehmalge italieensch Biathletin.

De in Feldthurns leven Südtirolerin Karin Oberhofer vun den C.S. Esercito (Sportfördergrupp vun dat Heer) nehm 2005 in Kontiolahti un 2006 in Presque Isle an Juniorenweltmeesterschapen deel. 2006 reck se goot Platzeeren in' Eenzel (13.), in' Sprint (14.) un mit de Staffel (5.). Hör Loopbahn in' Leistungsberiek fung mit Platz 33 in en Europacup-Sprint in Ridnaun an. In' Eenzel kunn se bitlang nie beter as Teihnte bi den Sprint vun Forni Avoltri in dat Johr 2007 wurrn. Hör eerste Upträen up hööchste Ebene harr se bi de Biathlon-Weltmeesterschapen 2007 in Antholz. Nah 75. Platz in' Enzel kunn se immerhen noch 47. in' Sprint wurrn un sück unverwacht för de Verfolgung (46.) qualifizeeren. To dat Finale de WM leep se as Slusslöperin vun de italieensch. As de darte Löperin vun de Staffell, Roberta Fiandino, up hör wesseln dee, leeg de Staffel noch in Medaillennähe. Trotz en goot Leistung vun Oberhofer kunn se dit Niveau aber gegen de starken Slusslöperinnen vun de Topnatschonen nich hollen. Dennoch reck de italieensch Staffel an' Enn' en gooden achten Platz. Bi de [[Biathlon-Europameesterschapen 2008 in Nové Město na Moravě keem de Italienerin up Platz 33 in' Eenzel, Rang 44 in' Sprint un Platz 41 in de Verfolgung.

Hör eerst Weltcup-Punkte wunn Karin Oberhofer in der Saison 2009/2010 bi en Sprintrennen in Pokljuka asse up Platz 29. rinkeem. Bi en Sprint in Antholz kunn se hör best Resultat noch in de sülvige Saison up Rang 18 verbetern. Bi de Olympisch Winterspelen 2010 keem se up Platz 47 in' Sprint, in de Verfolgung reck dat blots för Rang. Mit de Staffel reck se den elften Platz.

2011 wurr Oberhofer bi dree internatschonalen Meesterschapen insett. Bi de Biathlon-Europameesterschapen 2011 in Ridnaun, wunn se mit hör Staffelkolleginnen Dorothea Wierer, Roberta Fiandino un Michela Andreola as Slusslöperin unverwacht de Sülvermedaille in den Staffelwettbewarf. In' Sprint verpass se as Veerte de Medaille blots knapp. Rang elf in de Verfolgung un Platz teihn in' Eenzel maken en goot Meesterschap för hör kumplett. De Biathlon-Weltmeesterschapen 2011 in Chanty-Mansijsk broochen mit Rang 15 in' Einzel nich blots dat bither best Eenzelergevnis bi en WM, sonnern ok dat beste Ergevnis in' Weltcup. Mit veer Ergevnissen in de Punkteränge wurr Oberhofer as ok all in de Vörsaison 56. vun den Gesamtweltcup. Bi den WM-Sprint wurr se 49. Mit Michela Ponza, Katja Haller un Dorothea Wierer verpasst se in dat Staffelrennen todem as Veertplatzeert blots um een Platz en Medaille. In den wiederen Johresverloop is se denn ok noch bi de Sömmerbiathlon-Europameesterschapen 2011 in Martell an den Start gahn un wurr 13. vun den Sprint un mit Alexia Runggaldier, Dominik Windisch un Rudy Zini Sösste in dat Mixed-Staffelrennen.

Hör bitlang gröttsten Erfolg fier se bi de Biathlon-Weltmeesterschapen 2013 in Nové Město. Dor wunn se as Slusslöperin mit de italieensch Staffel an de Siet vun Wierer, Gontier un Ponza överraschend Bronze un dormit de eerste Medaille för en italieensch Fruenstaffel bi en Biathlon-Weltmeesterschap. 2015 wunn se mit de Staffel, in de Ponza dör Lisa Vittozzi ersett wurrn weer, nochmals de Bronzemedaille un keem ok in den Massenstart up den darten Platz.

In de Saison 2016/17 is se dreemal in' Weltcup antreeden, keem aber nie ünner de best 50.

In'n Mai 2018 hett Oberhofer hör Loopbahn as aktive Leistungssportlerin afslooten. SSe wull mehr Tiet mit hör Familie un vör allen mit hör to den Tietpunkt teihn Maand olt Söhn verbringen.

Weblenken[ännern | Bornkood ännern]