Alexia Runggaldier
Alexia Runggaldier (* 27. November 1991 in Brixen, Südtirol) is en ehmalge italieensch Biathletin.
Alexia Runggaldier leevt in St. Christina in Gröden un hörrt siet 2008 den italieenschen Natschonalkader an, siet 2011 den B-Kader vun de Fruen. Hör Vereen is de Polizeisportvereen G.S. Fiamme Gialle.
Runggaldier geev hör internatonal Debüt bi de Biathlon-Juniorenweltmeesterschapen 2008 in Ruhpolding un keem dor up den elften Platz in' Eenzel, wurr 33. in' Sprint, 28. de Verfolgung un wunn gemeensam mit Dorothea Wierer un Monika Messner de Bronzemedaille in dat Staffelrennen. Bi de Biathlon-Europameesterschapen 2008 vun de Juniorinnen in Nové Město na Moravě reck se mit de Staffel Platz 5. 2009 is se blots bi de Junioren-WM antreeden un wurr in Canmore 36. vun dat Eenzel, 12. vun den Sprint, 13. de Verfolgung un wunn mit Wierer un Nicole Gontier de Bronzemedaille in dat Staffelrennen. Bi hör darte Junioren-WM leep Runggaldier 2010 in Torsby up den 6. Platz in dat Eenzelrennen un in' Sprint, full in de Verfolgung aber up Rang 12 torüch un mit de Staffel reck se Platz 9. Hör veerte un letzte Junioren-WM funn 2011 in Nové Město statt. Runggaldier kemm up Range 43 in dat Eenzelrennen, 6 in' Sprint as ok 8 in de Verfolgung un wunn mit Gontier un Wierer in dat Staffelrennen de Sülvermedaille.
Runggaldier hör eerst Rennen bi de Fruen in' Leistungsberiek weern 2010 in' Rahmen vun de IBU-Cup in Martell un wunn in hör eerst Sprint as 32. sofort Punkte. In de Folgesaison verbeeter se hör best Resultat in Annecy in' Sprint up en 25. Platz. Eerst Grootereignis bi de Fruen wurrn de Sömmerbiathlon-Europameesterschapen 2011 in Martell. De Italienerin belegg in' Sprint den 12. Rang un reck mit Karin Oberhofer, Dominik Windisch un Rudy Zini in de Mixed-Staffel den sössten Platz. Up de tweet Statschoon vun den Biathlon-Weltcup 2011/12 in Hochfilzen geev Runggaldier bi en Sprintrennen in' Biathlon-Weltcup, verpass as 61 aber denkbor knapp um en Positschoon dat Verfolgungsrennen. In dat Johr dorup belegg Alexia Runggaldier an glieker Stäe in' Sprint Rang 33 un kunn hör eerst Weltcuppunkte winnen. An dat Enn vun de Saison belegg se Rang 69 in den Gesamtweltcup. Bi de Biathlon-Weltmeesterschapen 2013 reck se kien Medaille. In de folgen beid Weltcup-Saisons keem se meest nich to'n Insatz un reck ok kien Punkte. Bi de Olympisch Winterspelen 2014 in Sotschi keem se blots in’t Eenzel to’n Insatz un belegg dor Platz 32
Saison 2015/16[ännern | Bornkood ännern]
Wat de Antall an Rennen angung, keem se ok ditmal blots in veer mögelk Rennen to'n Insatz, reck dorbi aber mit Platz 10 in dat Eenzel vun de Biathlon-Weltmeesterschapen 2016 in Oslo hör eerste Top-10-Platzeeren. So keem se weer up Platz 69 in den Gesamtweltcup. Mit de Staffel keem se bi de WM up den 7. Platz.
Saison 2016/17[ännern | Bornkood ännern]
Hör internatschonal Dörbröök keem in disse Saison. Nu meest immer in' Insatz un faken in de Punkte, weer de Hööchtpunkt in hör Loopbahn de darte Platz nah en fehlerfree Scheeten in dat Eenzelrennen bi de Biathlon-Weltmeesterschapen 2016 in Hochfilzen achter Laura Dahlmeier un Gabriela Koukalová. Tovör harr se all bi den Weltcup in Antholz den darten Platz in dat Eenzel beleggt un keem in den Massenstart up den 6. Platz. In disse Saison keem se ok up Platz 28 in den Gesamtweltcup.
Saison 2017/18[ännern | Bornkood ännern]
In disse Saison nehm se an de eerste Rennen deel, harr denn en grooten Paus, bevör se noch twee Rennen bestrieden dee. Hör best Platzeeren bleev dorbi Rang 23 bi de Verfolgung in Antholz. To mehr Insatzen keem se nich und an dat Enn‘ van de Saison reck se dormit Rang 68 in den Gesamtweltcup. Bi de Olympisch Spelen van dat Johr keem se in’t Eenzel up den 33. Platz. In de Folgesaison harr se woll mehr Insätze, kreeg aber kien goot Ergevnisse mehr tostannen un keem up Platz 73 in den Gesamtweltcup.
Nah de Saison 2019/20, in de se blots in den IBU-Cup insett wurr, hett se hör Loopbahn afslooten.