Juan Corzo

Juan Corzo y Príncipe (* 24. Juni 1873 in Madrid; † 27. September 1941 in Havanna) weer en kubaansch Schachmeester.

Corzo y Príncipe is 1887 nah Kuba utwannert, wo he to’n besten Speler van dat Land wurr. He weer Meester van den Schachclub van Havanna, as he 1901 gegen den 13-johrigen José Raúl Capablanca en Wettkamp um de Kubaansch Meesterschap mit 6:7 (+3 =6 −4) verlor un dormit in de Schachhistorie ingahn is.

Corzo y Príncipe bleev ok nah den lateren kometenhaften Upstieg vun Capablanca en van de führend Speler van Kuba un weer ok Herutgever van de Schachtietschrift Capablanca's Chess Magazine. Gemeensam mit Capablanca hett he den Kubaanschen Schachverband grünnd. 1913 speel he noch en Turnier in Havanna, wo he woll Letzt wurr, aber immerhen gegen Charles Jaffe een Partie winnen un een Unentscheeden hollen kunn.

He weer kubaansch Landsmeester in de Johren 1898, 1902, 1907, 1912 un 1918. Sie hööchst historsch Elo-Tall weer 2453, de he in’n September 1915 recken dee.

Weblinks

• Edward Winter: Immortal but Unknown Porträt Corzos (engelsch)
• De Partien van den Wettkamp Capablanca-Corzo 1901 (poolsch)
• Biografie un Partien bi chessgames.com (engelsch)