Joshua David Angrist

Vun Wikipedia
Zur Navigation springen Zur Suche springen

Joshua David Angrist (* 18. September 1960 in Columbus, Ohio) is en israeelsch-US-amerikaansch Wertschapswetenschapler un Hoochschoollehrer. 2021 wurr hüm tosommen mit David Edward Card un Guido Imbens de Nobelpries för Wertschapswetenschapen tospraaken.

Werdegang, Forschung un Lehre[ännern | Bornkood ännern]

Angrist hett tonächst Wertschapswetenschapen an dat Oberlin College studeert, dat he 1982 as Bachelor of Arts afsluuten dee. Ansluutend hett he sien Wehrdeenst as Fallschermjäger bi de israeelsch Strietkräfte afleist. [1] Later hett he an de Princeton University sien Studium fortsett, wo he tonächst in’n Mai 1987 sien Master of Arts kreeg un in’n 1989 sluutend sien Doktertitel Ph.D..

Tonächst hett Angrist as Assistant Professor an de Harvard University lehrt, bevör he 1991 as Senior Lecturer an de Hebrääsch Universität Jerusalem arbeiten dee. Dor steeg he 1995 to’n Associate Professor up. 1996 kehr he in de USA torüch un hett in glieker Funktschoon bi de wertschaptswetenschapliche Fakultät vun dat Massachusetts Institute of Technology lehrt, wo he all 1994/95 as Gastdozent lehrt un forscht harr. 1998 wurr he hier ordentlich Perfesser un 2008 hett he den Ford-Lehrstohl an de Hoochschool övernommen.

In dat Zentrum vun de Arbeit vun Angrist staht Arbeitsökonomik un de Utnannersetten mit ökonometrischen Methoden. He gellt as en vun de bedüüdensten Vertreder vun den Gebruuk vun Instrumentvariablen in de wertschapswetenschaplich Analyse. Up disse Grundlaag hett he Studien un Artikel ünner annern över dat Humankapital un de Inkommensverdeelen in den USA, Bildungschancen un Armut herutbrocht. He hett mit sien Arbeit to dat Sekern vun de in de Psychologie siet den 1960er Johren anwennd statistisch Methode vun de Regressions-Diskontinuitäts-Analyse in den Wertschapswetenschapen bidragen.

Angrist is Liddmaat vun de Econometric Society, he arbeit siet 1994 as Research Associate för dat National Bureau of Economic Research. 2007 kreeg he de Ehrendokterwürde vun de Universität St. Gallen, 2009 den John-von-Neumann-Pries vun dat Budapester Rajk László Szakkollégium. He is Mitbegrünner vun de an dat MIT to Huus ween School Effectiveness & Inequality Initiative. Siet Anfang vun de 2000er-Johren arbeit un publizeert he intensiv mit dat in Bonn ansässigen Institut zur Zukunft der Arbeit, wo he 2000 to’n Research Fellow wurr. Todem wurr he 2006 in de American Academy of Arts and Sciences wählt.

Gemeensam mit Guido Imbens wurr he 2021 mit den Nobelpries för Wertschapswetenschapen för hör Bidrääg to de Analyse vun kausal Tosommenhänge uttekent. De beid deelen sück de Hälft vun den Pries, de anner Hälft gung an David Edward Card.[2]

Warken[ännern | Bornkood ännern]

Neben de hier upführt Böker hett Angrist tallriek Tietschriftenartikel un Arbeitspapeeren verfaat.

  • Joshua Angrist und Jörn-Steffen Pischke (2009). Mostly Harmless Econometrics: An Empiricist’s Companion. Princeton, NJ: Princeton University Press.
  • Joshua Angrist un Jörn-Steffen Pischke (2014). Mastering 'Metrics: The Path from Cause to Effect. Princeton, NJ: Princeton University Press.

Weblinks[ännern | Bornkood ännern]

Enkeld Nahwiesen[ännern | Bornkood ännern]

  1. Maimonides in the classroom: The research that led Angrist to the Nobel“. Afropen an’n 12. Oktober 2021 (engelsch).
  2. The Sveriges Riksbank Prize in Economic Sciences in Memory of Alfred Nobel 2021. Afropen an’n 11. Oktober 2021 (amerikaansch Engelsch).