David Edward Card

Vun Wikipedia
Zur Navigation springen Zur Suche springen
David Card (2006)

David Edward Card (* 1956 in Guelph, Kanada) is en kanaadsch Ökonom un Hoochschoollehrer. Hüm wurr 2021 tosommen mit Joshua David Angrist un Guido Imbens de Nobelpries för Wertschapswetenschapen tospraaken.

Werdegang, Forschung un Lehre[ännern | Bornkood ännern]

Card hett bi 1978 an de Queen's University studeert, bevör he an de Princeton University wesselt is. Dor hett he 1983 sien Doktertitel Ph.D. maakt. Af 1982 harr he parallel an de University of Chicago as Assistant Professor lehrt, af 1983 weer he as Assistant Professor an de Princeton University tätig. 1987 wurr he Wertschapsperfesser an de Hoochschool un 1997 is he an de University of California, Berkeley wesselt. 2010/11 weer he för een Johr Präsident vun de Society of Labor Economists.

In den Middelpunkt vun sien Arbeit steiht de Armoots- un Arbeitsforschung. Dorto hörrn de Oorsaken un Utwirkungen vun de Rassentrennung un Immigratschoon as ok Mindestlöhne un Gesundheitsökonomie. Ünner annern hett he wiest, dat sück dat Höhgersetten vun Mindestlöhnen in’n Leeglohnsektor in de USA meest nich negativ up de Beschäftigung utwirkt hemm.

Ehrungen[ännern | Bornkood ännern]

1995 kreeg Card de John Bates Clark Medal, 1998 wurr he in de American Academy of Arts and Sciences wählt, 2021 in de National Academy of Sciences. För de Analyse vun dat Bedüüden vun Schoolbildung för den Spood up den Arbeitsmarkt kreeg he 2006 gemeensam mit Alan Bennett Krueger den IZA Prize in Labor Economics vun dat Institut zur Zukunft der Arbeit. De Econometric Society hett hüm tosommen mit Dean Hyslop de Frisch-Medaille för den Upsatz „Estimating the Effects of a Time-Limited Earnings Subsidy for Welfare-Leavers“.[1] verleeht. 2014 kreeg Card den BBVA Foundation Frontiers of Knowledge Award, 2019 den Jacob-Mincer-Pries. För 2020 wur hüm de Doug-Purvis-Pries tospraaken, den he tovör ok all 1994 wunnen harr.

Siet 2013 tellt hüm Thomson Reuters wegen de Tall vun sien Zitatschonen to de Favoriten up en Nobelpries (Thomson Reuters Citation Laureates).[2] 2021 wurr he tosommen mit Joshua David Angrist un Guido Imbens mit den Nobelpries för Wertschapswetenschapen uttekent. He kreeg den för sien empirischen Bidrääg to de Arbeitsmarktökonomik.[3]

Enkeld Nahwiesen[ännern | Bornkood ännern]

  1. Awards. econometricsociety.org, afropen an’n 16. August 2015 (engelsch).
  2. 2013 Predictions bei Thomson Reuters (sciencewatch.com); afropen an’n 25. September 2013
  3. The Sveriges Riksbank Prize in Economic Sciences in Memory of Alfred Nobel 2021. nobleprize.org.

Literatur[ännern | Bornkood ännern]

  • Mark Blaug (Hrsg.): Who’s who in economics. 3. Uplaag, Elgar, Cheltenham [u. a.] 1999, ISBN 1-85898-886-1, S. 191–192

Weblinks[ännern | Bornkood ännern]