Johannes Krancke

Vun Wikipedia
Zur Navigation springen Zur Suche springen

Johannes Krancke (* 9. August 1885 op Kruutsand; † wohrschienlich 1945) weer en düütschen Politiker.

Krancke is 1885 op Kruutsand boren. He hett 1908 bet 1914 an de Universitäten München, Straßborg un Köln Juristeree studeert un 1917 sien Referendar-Examen maakt. Von 1914 bet 1918 weer he Soldaat in’n Eersten Weltkrieg. Von’n 1. April 1919 bet 31. Dezember 1919 hett he bi’n Magistrat Glücksborg arbeidt un weer denn von 1. Januar 1920 bet 31. März 1923 Gemeenvörsteher in Ooldklooster.

He is 1923 Börgermeester in Glücksborg worrn, is aver to’n 1. Januar 1925 as Börgermeester na Buxthu wesselt. Dor is he bet März 1933 bleven, as de NSDAP an de Macht kamen is. En Kummando ut Schutzpolizei, Stahlhelm un SA ut Stood is anrückt un dor hebbt sik ok de Buxthuer SA un de NSB-Oortsgrupp anslaten. De Grupp is op dat Raadhuus Buxthu dalmarscheert un hett dor Krancke as Börgermeester afsett un Werner Glüer insett. Krancke is bet März 1934 beurlaubt ween un denn in’n Rohstand versett worrn. An’n 1. Januar 1941 is he na de Luftwapen intagen worrn. He weer toletzt Hauptmann von de Luftwapen in Posen un is wohrschienlich 1945 in russ’sche Fungenschop kamen un dor verschollen.