Raadhuus Buxthu
Dat Raadhuus Buxthu liggt in de Binnenstadt von Buxthu an de Eck von de Lange Straat un de Brede Straat. Dat Raadhuus weer de Sitt von de Verwaltung von de Gemeen Buxthu un is 1913/1914 boot worrn.
Historie[ännern | Bornkood ännern]
Dat Raadhuus von Buxthu dükert 1303 toeerst in ole Oorkunnen op. Düsse eerste Bo is bi en Brand 1405 afbrennt un 1408 nee boot worrn. Dat is tohoop mit 42 annere Hüüs bi’n Groten Stadtbrand an’n 14. August 1911 wedder afbrennt. Na’n Brand is dat hüdige Raadhuus von’n Architekt Alfred Sasse ut Hannover in’n Stil von de Heimatschutzarchitektur nee boot worrn. De Botied weer von 1913 bet 1914. Dat is en Backsteengebüüd mit en polygonalen Ecktoorn.
Dat Raadhuus weer dör de wussen Verwaltungsopgaven in dat 20. Johrhunnert to lütt un de Stadtverwaltung is över verscheden Standöörd verdeelt ween. In de Bahnhoffstraat 7 is denn in’n November 2010 dat ne’e Stadthuus inwieht worrn, in dat de Verwaltung an en zentralen Oort tohooptagen worrn is. In dat ole Raadhuus in de Binnenstadt sünd nu de Stadtinfo, dat Stadtmarketing, de Weertschopsförderung un dat Kulturbüro ünnerbrocht.
Weblenken[ännern | Bornkood ännern]
Koordinaten:53° 29′ N, 9° 42′ O