Johannes Diderik van der Waals

Vun Wikipedia
Zur Navigation springen Zur Suche springen
Johannes Diderik van der Waals

Johannes Diderik van der Waals (* 23. November 1837 in Leiden; † 8. März 1923 in Amsterdam) weer en nedderlannsch Physiker. 1910 kreeg he den Nobelpries för Physik.

Leven[ännern | Bornkood ännern]

Nah sien Schoolutbillen weer he as Mester in sien Heimatstadt Leiden tätig. Ahn dat Abitur as Togangsberechtigung to en Hoochschoolstudium to besitten, hett van der Waals in de Tiet van 1862 bit 1865 an de Universität Leiden Vörlesungen un Seminare besöcht. Dordör kreeg he in de Facken Mathematik un Physik en Wiedermaken vun sien Lehrzertifikate. Af 1864 weer he as Mester in Deventer tätig. 1866 övernehm van der Waals em Stäe an de wiederführen School in Den Haag, an de he later ok Schooldirekter wurr. En Gesettenännern hett dat mögelk maakt, dat he ok ahn Abitur en Studium vun de Natuurwetenschapen maken kunn. Van der Waals hett dat Studium 1873 mit en Dissertatschoon[1] in Physik afslooten. As Perfesser för Physik weer he van 1877 bit 1908 an de Universität vun Amsterdam tätig.

Leistungen[ännern | Bornkood ännern]

Van der Waals hett ünner annern dat Verhollen vun Molekülen utforscht un hett sück mit Theorien över den Tostand vun Materie befaat. 1869 hett he de Oorsaak vun de Antreckenskräfte tüschen Atomen beziehungswies unpolaren Molekülen – de leter nah hüm nömmt Van-der-Waals-Kräfte opdeckt. 1873 entwickel van der Waals in’ Rahmen vun sien Dokterarbeit an de Universität Leiden en Modell över de Kontinuität vun gasförmigen un flooten Tostände vun Materie. Hierut stellt he en Tostandsglieken up, de wies, dat Aggregattostände för Gase un Flüssigkeiten nich nlots innanner övergahn, sonnern dat disse Aggregatzostände up dat glieker physikaalsch Prinzip footen.

För disse Leistung kreeg van der Waals 1910 den Nobelpries för Physik „för sien Arbeiten över de Tostandsglieken vun de Gase un Flüssigkeiten“, de insbesünnere ok to de vun hüm upstellt Van-der-Waals-Glieken führen deen.

Privates[ännern | Bornkood ännern]

1864 hett he Anna Magdalena Smit heiraadt, de aber all fröh storven is. Mit hör harr he veer Kinner (dree Deerns un een Söhn, de nahderhen ok Perfeeser an de Universität Amsterdam wurr).

Kiek ok[ännern | Bornkood ännern]

Warken[ännern | Bornkood ännern]

  • J. D. van der Waals: Over de Continuiteit van den Gas- en Vloeistoftoestand (Die Kontinuität des flüssigen und gasförmigen Zustands). Universität Leiden, 1873 (Dissertatschoon)
  • J. D. van der Waals, P. Kohnstamm, Lehrbuch der Thermodynamik: Teil 1, Johann-Ambrosius Barth Verlag|, Leipzig un Amsterdam, 1908
  • J. D. van der Waals, P. Kohnstamm, Lehrbuch der Thermodynamik: Teil 2, Johann-Ambrosius Barth Verlag, Leipzig un Amsterdam, 1912

Enkeld Nahwiesen[ännern | Bornkood ännern]

  1. Johannes Diderik van der Waals: Over de Continuiteit van den Gas- en Vloeistoftoestand. Universität Leiden, 1873 (Dissertation)

Weblinks[ännern | Bornkood ännern]

Commons-logo.svg Johannes Diderik van der Waals. Mehr Biller, Videos oder Audiodateien to’t Thema gifft dat bi Wikimedia Commons.