Johann Wilhelm Ludwig von Berlepsch

Vun Wikipedia
Zur Navigation springen Zur Suche springen

Johann Wilhelm Ludwig von Berlepsch (* 19. Januar 1717; † 21. Dezember 1757 in Stood) weer en düütschen Verwaltungsbeamten.

Von Berlepsch is 1717 as Söhn von Wilhelmine Catharine, borene von Mutschefall (17. August 1697–April 1758), un Christoph Mordian von Berlepsch (18. April 1693–6. November 1751) boren.[1] He hett an de Universität Jena Juristeree studeert.[2] Na dat Studium is he in’n bruunswiek-lümbörgschen Verwaltungsdeenst gahn. Toeerst weer he Auditer bi dat Justizkolleg.[2] 1741 is he Justizraad ahn Sold un 1743 Hoff- un Kanzlieraad ahn Sold worrn.[2] Ok calenbergschen Landschopsdeputeerten un Kunsistorialraad in dat Kunsistorjen in Stood is he ween.[2] He is 1746 Regerungsraad worrn[2] un weer von 1754 bet to sien Dood 1757 Oberhauptmann von dat Amt Stood.

Von Berlepsch hett in’n März 1745 Amalie Ernestine von Hardenberg († 18. Januar 1782; hett na von Berlepsch sien Dood Bodo Friedrich von Bodenhausen heiraadt) freet. De beiden harrn de Kinner Friederike Louise (1748–22. Dezember 1793; hett Caspar Ludwig Schulte freet) un Friedrich Ludwig von Berlepsch (4. Oktober 1749–22. Dezember 1818).[3] 1757 is von Berlepsch an de Pocken doodbleven.[2]

Footnoten[ännern | Bornkood ännern]

  1. http://wc.rootsweb.ancestry.com/cgi-bin/igm.cgi?op=GET&db=kingsnkastles&id=I393028
  2. a b c d e f Steffen Arndt, Margret Lemberg: Friedrich Ludwig Freiherr von Berlepsch und die Universität Marburg im Königreich Westphalen.Zeitschrift des Vereins für hessische Geschichte (ZHG), Band 113 (2008), Sieden 191-206
  3. Kaestner & von Urach's Genealogisches Adelslexikon