Johann Nicolaus Götze

Vun Wikipedia
Zur Navigation springen Zur Suche springen

Johann Nicolaus Götze (* 26. Oktober 1772 in Neenkarken; † 3. Februar 1844 in Oterndörp) weer en düütschen Verwaltungsbeamten.

Götze is 1772 as Söhn von Anna Margarethe, borene Hinke (* 28. März 1744), un den Organist Johann Christoph Götze (* 17. September 1744) in Neenkarken boren.[1] He weer eerst op de Latienschool Oterndörp un hett later an de Universitäten Helmstidde un Göttingen Juristeree studeert.[1] An’n 20. April 1795 hett he in Göttingen sien Dokter maakt.[1] An’n 2. Juni 1792 is he Obergerichtsavkaat in Oterndörp worrn un an’n 13. April 1797 Syndikus von de Stänn von dat Land Hadeln.[1] An’n 4. Januar 1806 is he Börgermeester von Oterndörp worrn.[1] In de Franzosentied weer he Kantonsmaire von’n Kanton Oterndörp un Maire von de Mairie Oterndörp.[1] As 1813 de Franzosen aftagen sünd, is Götze Maat von de Regerungskommission för dat Land Hadeln worrn.[1] De Franzosen sünd aver noch wedder trüggkamen un hebbt em vörhollen, dat he bi disse Regerungskommission mitmaakt hett.[1] De Franzosen hebbt em dorüm afsett.[1] Nadem de Franzosen denn aver 1814 ganz weg weren, weer he wedder Börgermeester von Oterndörp un is dat bet 1838 bleven. Götze weer ok Deputeerten bi de Stännversammlung von dat Königriek Hannover un is dor in’n Januar 1820 Viezsyndikus von de twete Kamer worrn.[1]

He hett an’n 30. April 1797 in Oterndörp Sophie Henriette Hübbe (23. Dezember 1775-11. Oktober 1816) freet. De beiden harrn de Kinner Christiane Margarethe Johanne (* 18. April 1798), Dorothea Amalie Phillipine (* 17. Januar 1800), Hermann Christoph (6. Mai 1801-28. Mai 1862), Henriette Friederike Wilhelmine (* 27. Juli 1803), Friedrich Wilhelm Adolph (* 27. Februar 1806), Karl Hinrich (* 16. Oktober 1807), Gustav Ferdinand (* 19. Juni 1809), Emil Eduard (* 3. April 1811), August Eduard (* 22. August 1813), Karl Theodor (* 22. August 1813) un en Söhn, de al dood boren is (* 26. September 1816).[1] Good twee Weken na de Geboort von’n dood boren Söhn is Götze sien Fro doodbleven.

Footnoten[ännern | Bornkood ännern]

  1. a b c d e f g h i j k http://gedbas.genealogy.net/person/show/1139658469