Johann Hermann Meyer

Vun Wikipedia
Zur Navigation springen Zur Suche springen

Johann Hermann Meyer (* 1706 in Erichsborg; † 21. September 1760 in Himmelpoorten) weer en düütschen Verwaltungsbeamten.

Meyer is 1706 as Söhn von en Amtmann in Erichsborg boren.

Na sien Studium von de Juristeree weer he Auditer in Läernstäine un is 1737 Oberförster in Bremervöör worrn.

He is denn 1743 Amtmann von dat Amt Elljeroe worrn. 1744 weer de franzöösche Marschall Belle-Isle jüst op en Reis na Berlin, üm Prüßen dorto to bewegen, Frankriek in’n Öösterriekschen Arvfolgkrieg gegen Öösterriek to ünnerstütten un keem dör dat Amt Elljeroe. Meyer hett den Marschall fastnehmen laten. He is veer Weken in Ostroe fasthollen un denn an den öösterriekschen Verbünnten England utlevert worrn. Dat weer to de Tied en temlich verwagen Stück.

1745 is Meyer Oberamtmann von dat Amt Ricklingen worrn, 1749 von dat Amt Erichsborg un 1752 von dat Amt Himmelpoorten. Dor is he bet to sien Dood 1760 Amtmann bleven.

He hett an’n 2. Juli 1738 Anna Maria Klueg (12. Februar 1714-7. September 1757) freet. Sien Söhn weer däänschen Offzeer un is later na Noordamerika gahn.