Johann Henrich Voigt

Johann Henrich Voigt, Bild as Bigaav to’n „Haupt-Kalender auf das Jahr 1686“, in’ Bisitt vun dat Staatsarchiv Hamborg

Johann Henrich Voigt (* 29. Juni 1613; † 17. Dezember 1691) weer en düütsch Mathematiker, Astronom un Klennerschriever in Stood.

Leven

Voigt stamm ut Rudelstadt in Döringen. He studeer in Erfurt de „mathematischen Künste“. In de Tiet vun de Dartigjohrig Krieg is Voigt nah Noorddüütschland översiedelt un wurr 1641 Schoolmeester in Rethwisch bi Itzehoe. As die schweedsch Armee de Dieken inreeten hett, is Voigt över Itzehoe un Glückstadt nah Stood flücht. Dor nehm he 1650 en Stäe as Schoolmeester an.

Wark

Voigt hett sück siet sien mathematisch Studien mit Mathematik un Astronomie beschäftigt. Af 1665 stell he Johresklenner her, de in völfältig Wies as Almanache mit ünnerscheedlich Utrichtungen rutgeeven wurrn. Se harrn de Naams „Curiositätenkalender“, „Christ- und Planetenkalender“, „Historienkalender“, later ok „Staatskalender“. In disse Klenner beschreev Voigt ok mehrere Kometen, de he sülvst beobacht hett. Faken hull sück Voigt in Hamborg up, wenn de Krieg to dicht an de Stadt Stood rankeem.

Besünners de Kometen van 1664, 1665 und 1677 beschreev Voigt in mehreren Schriften. Ok över den Halleyschen Kometen van 1682 geev he en Schrift rut Kurzer Auszug der Beschreibung des Nordischen Cometen, so Anno 1682 im Augustmonat, as Bilaag to de Historien-Calender 1680.

Voigt hett de Natur vun en Kometen noch heel stark as en göttlichen Warnhenwies düüd un bereken mehrere astrologische Düüden, to’n Bispeel en „Zwanzig-Jährige Prognostica“ (Bilaag to’n Historien Calender 1680).

Weblenken

• Personennaamdatei