Johann Georg Friedrich Dieterichs

Vun Wikipedia
Zur Navigation springen Zur Suche springen

Johann Georg Friedrich Dieterichs (* 22. März 1783 in Neehuus; † 28. März 1871 in Hamborg) weer en düütschen Verwaltungsbeamten.

Dieterichs is 1783 as Söhn von Lucia Magdalena Louisa, borene Gudewill (26. Februar 1761–4. Juli 1840)[1], un Johann Friedrich Dieterichs (2. August 1746–26. Februar 1815) in Neehuus boren.[2] Sien Broder weer Heinrich Leonhard August Dieterichs.[3] He is 1799 op dat Pädagogium in Halle gahn un hett 1803 anfungen an de Universität Göttingen Juristeree to studeren.[3] Von 1806 bet 1808 weer he Amtsauditer bi de Ämter Deefholt, Gifhorn, Brooksen, Ehrenborg un Lemförde.[3] He is 1808 Amtsschriever bi dat Amt Gifhorn worrn, 1814 Amtsassesser bi dat Amt Maanze un 1817 bi dat Amt Auerk.[3] Dor is 1828 de nee grünnte Moorkolonie Dietrichsfeld na em nöömt worrn.[3]

Von 1835 bet 1843 weer he Amtmann in dat Amt Neehuus un von 1843 bet 1852 Amtmann in dat Amt Harpstäe.[3] 1852 is he in Rohstand gahn un hett in Ollnborg leevt.[3] 1867 is he na Bremen tagen un 1868 güng he, nadem he Weetmann worrn is, to siene Dochter Sophie na Hamborg.[3] Dor is he 1871 doodbleven.

He hett an’n 5. März 1815 in Deefholt Henriette Wilhelmine Albers (13. Juni 1794–21. Oktober 1868; Dochter von’n Deefholter Börgermeester Heinrich Ludolf Albers) freet.[3] De beiden harrn de Kinner Luise Friederike (1816–1912), Henriette Sophie (1818–1913), August Hermann (5. Juni 1822–4. Oktober 1881) un Charlotte Katharina Friederike (1825–1856).[2]

Footnoten[ännern | Bornkood ännern]

  1. http://gedbas.genealogy.net/person/show/1145527309
  2. a b http://records.ancestry.com/henriette_wilhelmine_albers_records.ashx?pid=62318050
  3. a b c d e f g h i Hans-Cord Sarnighausen: Hannoversche Amtsjuristen von 1715 bis 1866 in Neuhaus an der Oste. Jahrbuch der Männer vom Morgenstern 91, 2012