Zum Inhalt springen

Jobst Diedrich Niemann

Links toföögen
Vun Wikipedia

Jobst Diedrich Niemann (* 27. August 1703 op Good Groot-Engershusen; † 14. April 1774 in Otterbarg) weer en düütschen Verwaltungsbeamten.

Niemann is 1703 as Söhn von Catharina Elisabeth, borene Wedige (1664–1730), un den Goodsverwalter Jürgen Heinrich Niemann (* 15. September 1644) op dat Good Groot-Engershusen in Engershusen boren un an’n 5. September 1703 in Aulendöppe döfft worrn.[1][2] He hett sik an’n 19. April 1720 för en Studium von de Juristeree an de Universität Jena inschreven un an’n 19. Februar 1721 an de Universität Halle.[2] Na dat Studium is he in’n bruunswiek-lümbörgschen Verwaltungsdeenst gahn un 1728 Amtsschriever bi dat Amt Zeven worrn.[2] Dor is he 1745 to’n Amtmann opstegen.[2] 1761 is he in’n Rohstand gahn un hett he bi siene Dochter Justina Sophia un ehren Mann Johann Hermann Ruperti (Amtmann von dat Amt Otterbarg) leevt.[2]

Niemann is an’n 14. April 1774 in Otterbarg na en Slaganfall doodbleven un dor an’n 19. April in de Otterbarger Kapell begraven worrn.

Niemann hett an’n 9. Juni 1729 in Niestadt Dorothea Henriette Catharine Meyer (1. Februar 1712–12. Oktober 1763; Dochter von Johann Georg Meyer) freet. De beiden harrn tohoop 19 Kinner: Dorothea Elisabeth (* 11. Oktober 1730), Justina Sophia (6. Oktober 1731–20. Mai 1790; hett Johann Hermann Ruperti freet), Sophia Margrete (10. Mai 1733–23. Oktober 1733), Henrietta Carolina (10. September 1734–3. November 1783), Georg Hinrich (29. September 1735–1761), Friderich Florens (* 9. Oktober 1736), Johann Ernst (20. Oktober 1737–19. Dezember 1738), Johann Gottlieb (15. November 1738–20. Dezember 1738), Hinrich Justus (15. November 1738–20. Dezember 1738), Margret Amalia (17. Januar 1740–11. Februar 1743), Elise Friederica (26. Januar 1741–15. November 1747), Henrietta (* 20. Mai 1742), Louisa Helene (26. Juli 1743–24. Dezember 1745), Susanne Wilhelmine (9. Oktober 1744–30. Oktober 1744), Johann Wilhelm Justus (* 17. Dezember 1745), Friedrich Carl (* 5. April 1747), Margret Charlott (10. Oktober 1748–1754), Friderica Dorothea (* 22. November 1752) un Alexander (* 1755–26. September 1755).[3]

Footnoten

[ännern | Bornkood ännern]
  1. ↑ https://gedbas.genealogy.net/person/show/1065513246
  2. ↑ a b c d e Klaus Wachtmann: Familienchronik des Pfarrers Friedrich Seybert (1865-1955). Vorfahren der Generation I-X. 2015, Sied 211
  3. ↑ Ortsfamilienbuch Otterstedt
De Artikel „Jobst Diedrich Niemann“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.
Vun „https://nds.wikipedia.org/w/index.php?title=Jobst_Diedrich_Niemann&oldid=1026715“