Joachim Frank (Bioloog)

Joachim Frank (* 12. September 1940 in Weidenau an de Sieg) is en düütsch-amerikaansch Biophysiker an de Columbia University, New York City, un de University at Albany, The State University of New York. He gellt as Begrünner vun de Kryo-Elektronenmikroskopie vun Eenzelmolekülen un kunn wesentliche Bidrääg to de Struktur un Funktschoon vun de Ribosomen leisten. 2017 kreeg he gemeensam Jacques Dubochet un Richard Henderson den Nobelpries för Chemie tospraaken.

Leven

Nah dat Vördiplom an de Albert-Ludwigs-Universität Freiburg (1963) un dat Diplom bi Walter Rollwagen an de Ludwig-Maximilians-Universität München mit de Arbeit Untersuchung der Sekundärelektronen-Emission von Gold am Schmelzpunkt (1967), hett Frank 1970 bi Walter Hoppe an de Technische Universität München mit de Arbeit Untersuchungen von elektronenmikroskopischen Aufnahmen hoher Auflösung mit Bilddifferenz- und Rekonstruktionsverfahrensien Doktertitel maakt. As Postdoktorand hett he bi R. Nathan an dat California Institute of Technology, bi R. M. Glaeser an de University of California, Berkeley un bi B. M. Siegel an de Cornell University arbeit. Siet 1972 weer Frank Forschungsassistent an dat Max-Planck-Institut för Biochemie, siet 1973 Forschungsgruppenleiter (Senior Research Assistant) bi Vernon Ellis Cosslett an de University of Cambridge.

Siet 1975 is Frank an dat Wadsworth Center, New York State Department of Health (University at Albany, The State University of New York) tätig, ünnerbraaken vun Forschungsupenhollen 1987 bi Richard Henderson an dat Medical Research Council in Cambridge, Grootbritannien, un 1994 bi Kenneth Charles Holmes an dat Max-Planck-Institut för medizinische Forschung in Heidelbarg. Van 1986 bit 2007 weer he Perfesser för Biomedizin in Albany. Siet 1997 hett Frank tosätzlich en Forschungsprofessur för Zellbiologie an de New York University inne, siet 1998 forscht he buterdem för dat Howard Hughes Medical Institute (HHMI). Siet 2003 öövt he en Lehrtätigkeit an de Columbia University ut un hett dor siet 2008 de Professur för Biochemie, molekulare Biophysik un Biowetenschapen inne.

Frank is verheiraadt un hett twee Kinner. Siet 1997 hett he neben de düütsch ok de US-amerikaansch Staatsbörgerschap. In sien Freetiet schrifft he fiktschonale Texte un bedrifft en Blog.

Utteknungen (Utwahl)

• 1997 Fellow vun de American Association for the Advancement of Science
• 2006 Liddmaat vun de American Academy of Arts and Sciences
• 2006 Liddmaat vun de National Academy of Sciences
• 2014 Benjamin Franklin Medal vun dat Franklin Institute
• 2017 Wiley Prize in Biomedical Sciences
• 2017 Nobelpries för Chemie

Literatur

• K. Mossman: Profile of Joachim Frank. In: Proceedings of the National Academy of Sciences. Band 104, Nr. 50, 11. Dezember 2007, S. 19668

Weblenken

• DNB-Katalog
• Joachim Frank, Frank Lab un Levensloop (PDF, 502 kB) bi de Columbia University (columbia.edu)
• franxfiction.com, fiktschonale Texte un Blog vun Joachim Frank