Janice Elaine Voss
Janice Elaine Voss (* 8. Oktober 1956 in South Bend, Indiana; † 6. Februar 2012 in Scottsdale, Arizona) weer en US-amerikaansch Astronautin.
Leven
[ännern | Bornkood ännern]Voss hett van 1960 bit 1967 in Rockford, Illinois leevt, wo se de Guilford Center School besöken dee. Hör'n Schoolafsluss hett se 1972 in Wilbraham, Massachusetts makt. 1975 kreeg se en Bachelor in Ingenieurwesen vun de Purdue University un 1977 en Master in Elektrotechnik vun dat Massachusetts Institute of Technology (MIT). 1987 kreeg se hör Doktertitel in Luft- un Ruumfohrttechnik, ebenfalls vun dat MIT.
Voss weer van 1973 bit 1975 Mitarbeiterin vun de NASA an dat Johnson Space Center. Wiels disse Tiet hett se Computersimulatschonen in de Ingenieurs- un Entwicklungsafdeelen dörführt. Nah hör Studium an dat MIT gung se 1977 in dat Johnson Space Center torüc un hett een Johr lang as Mannschapstrainerin, speziell för den Wedderinträe, arbeit.
Af 1987 hett se bi de Firma Orbital Sciences Corporation arbeit. Se weer dor för de TOS-Böverstuuf (Transfer Orbit Stage) tostännig. Mit disse Böverstuuf wurr in' September 1993 de Advanced Communications Technology Satellite (ACTS) vun en Space Shuttle un in' Harvst 1992 de Ruumsonde Mars Observer vun en Titan-Rakete start.
In' Januar 1990 wurr Voss vun de NASA as Astronautenanwärterin utwählt. Van Oktober 2004 bit November 2007 weer se wetenschaplich Direkter för das Kepler-Weltruumteleskop an dat Ames Research Center vun de NASA. Toletzt weer se Leiterin för Bruuklasten in de Ruumstatschoonsafdeelen vun dat Astronautenbüro. Se is mit 55 Johren an Borstkrebs storven.
Missionen
[ännern | Bornkood ännern]Janice Voss hett all tosommen fiev Missionen makt un is dormit en vun de spoodriekste Astronauten.
An' 21. Juni 1993 is Voss mit de Ruumfähr Endeavour to hör eersten Floog in't All start. Dat Hööftteel vun disse Mission weer dat Bargen vun den European Retrievable Carrier Satellite (EURECA). Tosätzlich weer eerstmals dat Spacehab to dat Dörführen vun verscheeden Experimente mit an Bord. De Mission düer meest 10 Daag. Kommandant bi dissen Floog weer Ronald John Grabe un de Pilot Brian Duffy. Missionsspezialisten weern neben Voss noch George David Low, Nancy Jane Sherlock Currie un Jeff Wisoff.
An' 3. Februar 1995 is Janice Voss as Missionsspezialistin mit de Ruumfähr Discovery to'n eersten Floog vun en Shuttle to de Ruumstatschoon Mir start. Wiels de Mission is de Orbiter an' veerten Floogdag bit up 11 Meter an de Mir rankommen un hull disse Positschoon för 10 Minüüt. In den wiederen Verloop vun de Mission wurr de Plattform SPARTAN 204 utsett un weer infangen as ok en veereneenhalfstündig Weltruumutstiegen dörführt. Eerstmals wurr dat Space Shuttle mit de Pilotin Eileen Marie Collins vun en Fru stüert. Kommandant weer James Donald Wetherbee und de Missionsspezialisten weern neben Voss Colin Michael Foale, Bernard Anthony Harris un de russch Kosmonaut Wladimir Georgijewitsch Titow. Disse Mission düer good 6 Daag.
An' 4. April 1997 is Voss mit de Ruumfähr Columbia in't All flagen. Bruuklast weer dat Microgravity Science Laboratory (MSL-1). Wegen en Problem mit en Brennstoffzelle vun dat Shuttle, muss de Mission afkört weern un se sünd all nah knapp veer Daag weer land. De NASA hett dornah bestimmt, de Mission dree Maand later mit glieker Besetten nochmal to starten. Kommandant weer James Donald Halsell un Pilot weer Susan Leigh Still-Kilrain. Dorto keemen de Missionsspezialisten Janet Voss, Donald Alan Thomas un Michael Landon Gernhardt un de Bruuklastspezialisten Roger Keith Crouch un Gregory Thomas Linteris.
An' 1. Juli 1997 is denn de Columbia nochmals to de bi den eersten Versöök vör de Tiet afbraken MSL-1-Mission start. Ditmal kunnen de Experimente in dat Microgravity Science Laboratory spoodriek dörführt wurrn. Dorto tellen vör allen Experimente to dat Utforschen vun de physikaalsch Eegenschapen vun ünnerköhlt Flüssigkeitsgemische un vun de Verbrennensperzesse an fast un flüssig Materialien as ok to de Herstellung vun rein Proteinkristalle. De Mission gung över mehr as 15 Daag.
Voss hör letzt Mission fung an 11. Februar 2000 mit dat Space Shuttle Endeavour to de so nömmt Shuttle Radar Topography Mission an. Dorbi hett de Crew middels Radar 80 Perzent vun de Landmass vun de Eer kartografeert. Twee Radarsysteme, een in de Bruuklastbucht vun den Shuttle, dat anner an en 60 Meter langen Mast monteert, hebbt de Eerdböverflach aftast. Dat Resultat weer en digital dreedimensional Modell vun de Eer vun bither nicht vörhannen Genauigkeit. Um en Arbeiten rund um de Uhr mögelk to maken, weer de sössköppig Crew in twee Teams updeelt, de in en Twalf-Stünn-Bedriev arbeiten deen. Voss weer mit Pilot Dominic Gorie un Missionsspezialist Mamoru Mōri dat blau Team. Dat root Team bestunn ut Kommandant Kevin Richard Kregel as ok de Missionsspezialisten Janet Lynn Kavandi un den Düütschen Gerhard Thiele. De Mission gung nah 11 Daag un 5 Stünn to Enn’.
Weblenken
[ännern | Bornkood ännern]
- NASA: Biografie (engelsch)
- spacefacts.de: Körtbiografie
- Reuters: Doodsmeldung