George David Low

Vun Wikipedia
George David Low

George David Low (* 19. Februar 1956 in Cleveland, Ohio, USA; † 15. März 2008 in Reston, Virginia) weer en US-amerikaansch Astronaut un Ruumfohrtmanager.

He studeer Physikingenieurwesen an de Washington and Lee University, Maschinenbau an de Cornell University as ok Luft- un Ruumfahrttechnik an de Stanford University un reck dor ok jeweils de entspreken Afslüsse.

Af 1980 hett Low veer Johr lang an dat Jet Propulsion Laboratory arbeit, wo he mit de Planung vun verscheeden Ruumsonden to dat Erkunnen vun dat Planetensystem befaat weer.

1984 wurr he as Kandidat för de Astronautenutbillen utwählt. He hett an dree Missionen deelnommen:

Disse Mission düer van' 9. Januar 1990 bit 20. Januar 1990. Hööftupgaav weer dat Utsetten vun en militätischen Satelliten un dat Infangen und weer mit torüchbringen vun de Long Duration Exposure Facility (LDEF), wat de Crew um Kommandant Dan Brandenstein un Pilot James Wetherbee ok schafft hett. Neben George Low weern noch de Missionsspezialisten Bonnie Dunbar un Marsha Ivins an Bord.


Disse Mission düer van 21.Juni bit 1. Juli 1993. Ok hier weer Low weer as Missionsspezialist insett. Kommandant weer John Blaha un Pilot Michael Baker. Shannon Lucid un James Adamson weern de beid anner Missionsspezialisten. Die Mission düer van’ 2. August bis 11. August 1991. Hööftupgaav vun disse Crew weer dat Utsetten vun den TDRS 5-Satelliten.


Bi sien darte un letzt Mission weer Low weer Missionsspezialist. De anner dree Missionsspezialisten (Nancy Currie, Jeff Wisoff un Janice Voss) weern to’n eersten Mal in’t All. Kommandant Ronald Grabe un Pilot Brian Duffy weern de bei anner Besattensliddmaaten. Hööftupgaav weern Experimente in dat Spacehab-Modul.Low un Wisoff hebbt bi disse Mission noch en so nömmt Weltruumspazeergang maakt un dorbi den Experimententräger EURECA (European Retrievable Carrier), de en Johr tovör vun STS-46 utsett wurrn weer, weer infangen so dat de weer mit nah der Eer torüchnommen wurrn kunn.

1996 hett Low de NASA verlaaten un hett denn bi de Orbital Sciences Corporation in Dulles (Virginia) arbeit.

Privates[ännern | Bornkood ännern]

Low weer mit JoAnn Andochick verheiraadt mit de he dree Kinner harr, Maggie, Chris, un Abigail.

He is an’ 15. März 2008 in dat Reston Hospital Center in Virginia an Darmkrebs storven.

Low harr öösterrieksch Wuddels. Sien Vader, George M. Low, wurr in Wien boren un is later in de USA utwannert, wo he ok för de NASA arbeiten dee. So weer he tüschen 1969 un 1976 Viez-Chef vun de NASA.

Weblenken[ännern | Bornkood ännern]

G. David Low. Mehr Biller, Videos oder Audiodateien to’t Thema gifft dat bi Wikimedia Commons.