Jan Poortvliet

Vun Wikipedia
Zur Navigation springen Zur Suche springen
Jan Poortvliet, 1978

Jan Poortvliet (* 21. September 1955 in Arnemuiden) is en nedderlannsch ehmalger Footballspeler, de siet 1996 as Trainer arbeit.

Karriere[ännern | Bornkood ännern]

Poortvliet fung sien Loopbahn 1974 bi den Vereen PSV Eindhoven an. In negen Johren bi Eindhoven wunn Poortvliet dreemal den nedderlannschen Meestertitel, eenmal den nedderlannschen Pokal un eenmal den UEFA-Pokal. 1983 wessel he to Roda JC Kerkrade, dornah gung dat wieder nah Frankriek to Olympique Nîmes. Nahdem he dor dree Johr lang speelt harr, wessel he nah Belgien un ünnerschreev en Verdrag bi Royal Antwerpen. Dor bleev he aber blots een Johr un wessel denn weer nah Frankriek to AS Cannes ok weer för een Johr. Dornah leet de Afwehrspeler sien Loopbahn in de Saison 1989/90 bi Eendracht Aalst in Belgien un van 1990 bit 1992 bi den nedderlannschen Vereen VCV Zeeland utklingen.

Internatschonal speel Poortvliet för sien Heimatland Nedderlannen van 1978 bit 1982 19 Mal. He nehm an de Football-Weltmeesterschap 1978 in Argentinien deel un wurr mit de Mannschap dor Viezweltmeester. Poortvliet keem dorbi söss Mal to’n Insatz un kreeg een geel Koort. Twee Johr later nehm he an de Football-Europameesterschap 1980 in Italien deel, is aber dor mit Oranje as Dart in de Grupp all in de Vörrunn utscheeden.

Trainerkarriere[ännern | Bornkood ännern]

Poortvliet traineer van 1996 bit 1997 den RBC Roosendaal. Dornah harr he lang Tiet kien Trainerposten. Van 2000 bit 2001 weer he Trainer van den FC Den Bosch. Dornah traineer he dree Johr lang Stormvogels Telstar. In de Saison 2007/08 weer he denn Trainer vun Helmond Sport un wessel to de Saison 2008/09 nah England to’n FC Southampton. Hier is he aber all an’ 23. Januar 2009 torüchtreeden, nahdem de finanziell anslahn Vereen eenige Speler harr verkoopen musst un Poortvliet nu mit en betere Jöögdmannschap up den vörletzten Platz vun de Football League Championship stunn.[1] In de Saison 2009/10 weer he Trainer bi den FC Eindhoven in de nedderlannsch Eerste Divisie, to de Folgesaison hett he bi den Ligankonkurrenten Telstar anhüert. In’ Sömmer 2012 wessel Poortvliet to’n FC Den Bosch, wo he all elf Johr vörher tätig un 2015 immer noch in’ Deenst weer.

Erfolge[ännern | Bornkood ännern]

  • Nedderlannsch Footballmeester 1975, 1976 un 1978.
  • Nedderlannsch Pokalsieger: 1976
  • UEFA-Pokal: 1978

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Poortvliet's departure a real shame, says Benali, Daily Echo van’ 26. Januar 2009 (engelsch), afropen an’ 16. Oktober 2009