James Edward Rothman

Vun Wikipedia
Wesseln na: Navigatschoon, Söök

James Edward Rothman (* 3. November 1950 in Haverhill, Massachusetts) is en US-amerikaansch Biochemiker un Perfesser an de Yale University. 2013 wurr hüm gemeensam mit Randy Wayne Schekman un Thomas Südhof de Nobelpries för Physiologie oder Medizin tospraken.[1]

Leven[ännern | Bornkood ännern]

Rothman kreeg 1971 en Bachelor an dat Yale College. He hett sück tonächst an de Harvard University för Medizin inschreven, hett dor aber 1976 sien Doktertitel (Ph.D.) an de Afdeelen för Biochemie maakt. Ansluutend harr he en Stäe as Post-Doktorand an dat Massachusetts Institute of Technology. En Juniorprofessur för Biochemie (Assistant Professor 1978, Associate Professor 1981) kreeg Rothman an de Stanford University in Stanford, Kalifornien, 1984 en ordentliche Professur. 1988 wurr he Perfesser för Molekulare Biologie an de Princeton University in Princeton, New Jersey. 1991 hett he de Leiden vun dat Programm för zelluläre Biochemie un Biophysik an Sloan-Kettering Institute vun dat Memorial Sloan-Kettering Cancer Center in New York City un en glieknaamigen Lehrstohl övernommen. 2004 wurr he Perfesser för Physiologie un zelluläre Biophysik an de Columbia University, New York un wurr Direkter vun dat dortige Zentrum för chemische Biologie. 2008 övernehm he de Professur för Biomedizinische Wetesnchapen an de Yale University in New Haven, Connecticut.[2]

Wark[ännern | Bornkood ännern]

Rothman beschreev den Mechanismus vun de intrazellulären Membranfusion. He hett de wichtige Opdecken maakt, dat Zellen düchtig lütt Vesikel enthollen, de mit Biomembranen utstatt sünd un bannig ünnerscheedlich Proteine tüschen de Zellkompartimenten transporteeren. Disse Transportprozess, de Prozesse vun den Vesikelfloot un de Membranfusion inslutt, hett entscheeden Bedüüden för Zellwassdom un -deelen. Rothman kunn wiesen, dat de Spezifität vun den Membranfusion vun de Paarung vun bestimmt Proteine – de SNARE-Proteine – tüschen de Biomembranen afhängig is. Dör disse Opdecken kunnen tallriek physiologische Prozesse eenheitlich verklort wurrn, dorünner dat Utschütten vun Insulin, de Kommunikatschoon vun Nervenzellen un de Infektschoon vun Zellen mit Viren as den HI-Virus. Störungen in de Kontroll vun disse Membranfusionsprozesse spelen en wichtig Rull in de Pathophysiologie vun de Diabetes mellitus un vermootlich ok vun bestimmt Oorten vun Krebs. Fusions-Inhibitoren hörrt to de jüngere Medikamenten, mit deren Hülp de Infektschoon mit den HI-Virus beherrscht werrn sall, indem se en nee Membranfusion behinnern.[3]

Utteknungen (Utwahl)[ännern | Bornkood ännern]

Weblenken[ännern | Bornkood ännern]

  • Websteed an de Yale School of Medicine

Enkeld Nahwiesen[ännern | Bornkood ännern]

  1. Nobelprize.org: The Nobel Prize in Physiology or Medicine 2013, afropen an' 7. Oktober 2013
  2. James Rothman is Appointed the Fergus F. Wallace Professor up yale.edu; afropen an' 25. Oktober 2013
  3. 3,0 3,1 James E. Rothman bei knaw.nl; afropen an' 31. Oktober 2010
  4. James Rothman and Randy Schekman bi laskerfoundation.org; afropen an' 31. Oktober 2010
  5. usc.edu; afropen an' 6. November 2010