Physiologie

Vun Wikipedia
Wesseln na: Navigatschoon, Söök

De Physiologie (Vun ooldgr. φύσις phýsis ‚Natur‘ un λόγος lógos ‚Woort‘, Lehr‘) oder „Naturkunne“ is as en Twieg vun de Biologie de Lehr, de sik dor mit befaten deit, wat na de Physik un de Biochemie hen vör sik geiht in de Zellen, in dat Geweev un in de Organen vun allens, wat leven deit. Dorbi kiekt se ok dor up, wie in den ganzen Organismus allens tosamen arbeiden deit. So grenzt se sik af vun de Biochemie un vun de Anatomie. De Physiologie hett dat dor up afsehn, na Mööglichkeit vörher to seggen, wat in en System, dat unnersocht warrt (as Stoffwessel, Motorik, Kiemen, Wassen, Vermehren), passeert.

Dat Woort Physiologie is um 1525 rüm vun Jean François Fernel präägt wurrn. Physioloogsch forschen un utbillen doot de Biologie, de Medizin, de Pharmazie, de Psychologie un de Sportwetenschop.