Iralaya

Vun Wikipedia
Zur Navigation springen Zur Suche springen

Iralaya (oder ok Irlaya oder Ilaya) is en Dörp (Aldea) in dat Municipio Ramón Villeda Morales, Departamento Gracias a Dios, Honduras.

Dat is en Dörp von de Miskito. De Hüüs sünd op Stelten in’t Water von en Siedenarm von’n Río Coco boot. De ganze Ümgegend is sied Swemmland an de Münn von’n Río Coco. Wieldes de Münn von’n Río Coco (dat Cabo Gracias a Dios) teihn Kilometer in’n Oosten liggt, is de Küst von de Karibische See in’n Noorden blots dree Kilometer wied weg. Dör de siede Laag is de Oort jümmer bedrauht von Överswemmungen un Hurrikans.

De Grenz na Nicaragua (de Río Coco) liggt blots en poor hunnert Meter in’n Süüdoosten. Dat is een von de aflegensten Öörd in ganz Honduras.

De nächsten Öörd sünd Cabo Viejo in’n Süüdwesten in Nicaragua, Wangkiawala in’n Westen un Klubki in’n Noordwesten.

Weertschop un Infrastruktur[ännern | Bornkood ännern]

De Minschen leevt vör allen von Subsistenz-Bueree un de Fischeree.

Verkehr[ännern | Bornkood ännern]

De eenzige Landweg na Iralaya is en lütten Padd na dat Dörp Klubki. Anners is de Oort blots per Boot över’n Río Coco to recken.


Koordinaten:14° 60′ N, 83° 13′ W