Intersaksische Schriivwise
De Schriivwis' vun dat Platdüütsche/Nedersaksische kan in de schrivtelike Kommunikatschoon twüschen Spreakers uut de Nedderlanden un Düütschland to Problemen bi dat baidsidige Verstån vören. Dat hangt dår med tohoop, dat en bült Lüüd vun de düütsche Siid Platdüütsch nå de Schriivwis' vun dat Standarddüütsche schriven doot, bides Lüüd uut de Nedderlanden vaken de Schriivwis' vun de nedderlandsche Språk as Basis hebt. Man upto givt dat ouk Versöken, en algemeine Intersaksische Schriivwise uptostellen, dei schrivtelike öäverregionale un grensöäverstriden Kommunikatioon verlichteren schal. Vöärbilder vun so en Schriivwis' sint de Vosbergenschriefwiese un de unvulständige Algemeyne Schryvwyse, dei man bloots vöär dat Noordneddersassische to'n Deil uutarbaid is. Meddewiil hebt sik sünderlik in de grensöäverstriden Kommunikatschoon binnennets in de socialen Medien verschüllene Schriivformen ruutbildt, dei nich so stark nå dat Standarddüütsche or dat Standardnedderlandsche kiikt, man an Stead' meir nå dat Platdüütsch/Nedersaksisch uut de Hansetiid. En wydgåns uutarbaidten Vöärslag vöär so en Schriivwise is de Nysassische Schryvwyse.