Ilhas de Barlavento

Vun Wikipedia
Zur Navigation springen Zur Suche springen
De Ilhas do Barlavento in Kap Verde

De Ilhas do Barlavento (port.: „Eilannen över’n Wind“ oder „windsietige Eilannen“) sünd ein Inselgrupp vun Kap Verde in’n Atlantik.

De vulkaanschen Kapverdischen Eilannen warrt in twee Gruppen ünnerdeelt: De süüdlichen Ilhas do Sotavento un de nöördlichen Ilhas do Barlavento. Disse Indeelen kummt vun den Passatwind, de meist jümmer ut de lieken Richten weiht, ut Noordoosten neemlich. Dormit leegt de Barlaventos vör an’n Wind.

De Eilannen vun disse Grupp künnt noch mol wieter ünnerscheedt warrn. De westlichen Eilannen Santo Antão, São Vicente, São Nicolau, Santa Luzia un de beiden lütten Eilannen Branco an Raso sünd felsig, wiest düüdlich jemehrn vulkaanschen Oorsprung und warrt tomeist landweertschopplich nütt.

In’n Oosten leegt de beiden wöstenordigen Eilannen Sal un Boa Vista, de grotendeels flach sünd vun wegen de Erosion und teemlich dröög. Landweertschap is hier kuum möglich. De Weertschap weer hier mol op den Hannel mit Solt opboot un konzentreert sik vundaag mehr un mehr op den Tourismus. Disse beiden Eilannen hebbt mehr gemeen mit Maio, de to de Sotaventos tellt.

Neven disse mehr oder minner groten Eilannen gifft dat noch en Reeg von lütte vörlagerte Eilannen. Dat sünd de Ilhéu de Ilhéu de Sal Rei un de Ilhéu do Baluarte (ok Ilhéu do Roque) beid vör de Küst vun Boa Vista, de Ilhéu Rabo de Ilhéu Rabo do Junco vör de Küst vun Sal un de Ilhéu dos Pássaros vör de Küst vun São Vicente un noch veele lüttere.