Ilhéu dos Pássaros

De Ilhéu dos Pássaros (op Kapverdisch Kreol: Djeu) is en lütt nich bewahnt Eiland vun de Ilhas do Barlavento, de to de Republiek Kap Verde höört. Se liggt twee bit dree Kilometer vör de Küst vun dat Eiland São Vicente an de Infohrt vör den Haven vun Mindelo.

Laag un Geografie

Ilhéu dos Pássaros mit den Lüüchttoorn op’n Tipp

Dat lütte Eiland liggt ruchweg bi de Koordinaten 16,9097° N un 25.0113° W twüschen de Eilannen São Vicente un Santo Antão. Djeu, as dat Eiland op kreoolsch nöömt warrt, is en vulkaanschen Seebarg. De Bucht vun Mindelo is en olle Caldeira, de ünner gahn is, un dat piele Felseiland markeert den Rand vun’n ehmoliigen Krater.^[1]

De Ilhéu dos Pássaros is man en lütten Sprütten in de See mit en Flach vun ruchweg 0,04 km² mit de hööchste Steed op ruchweg 40 Meters. Wassen deit dor nich veel op, man blots ’n beten dröög Gras. Op’n Tipp vun’t Eiland is en Lüüchttoorn, de den Weg na’n Haven vun Mindelo wiest.

Borns

↑ Pitt Reitmeier & Lucete Fortes: Cabo Verde – Kapverdische Inseln, Reise Know-How Verlag, Builefeld, 5. Oplaag, 2009, ISBN 978-8317-1771-2

Weblenken

Ilhéu dos Pássaros. Mehr Biller, Videos oder Audiodateien to’t Thema gifft dat bi Wikimedia Commons.

Koordinaten:16° 55′ N, 25° 1′ W

Eilannen vun Kap Verde

[1] Pitt Reitmeier & Lucete Fortes: Cabo Verde – Kapverdische Inseln, Reise Know-How Verlag, Builefeld, 5. Oplaag, 2009, ISBN 978-8317-1771-2

[1]