Hunhorn
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27389 | |
| Vörwahl: | 04267 | |
| Geograafsche Laag: | Koordinaten:53° 12′ N, 9° 29′ O53° 12′ N, 9° 29′ O | |
|
| ||
Hunhorn (hoochdüütsch Hunhorn) is en Oort in de Gemeen Helsch (Samtgemeen Fintel) in’n Landkreis Rodenborg, Neddersassen. De Oort höört polietsch al von öllers bi Helsch mit bi.
Geografie
[ännern | Bornkood ännern]Hunhorn liggt so annerthalv Kilometer von de Wümm af.
De Naveröörd sünd Helsch in’n Noordoosten, Griemshoop un Rehr in’n Oosten, Scheeßl in’n Süden, Jeersdörp un Westeresch in’n Süüdwesten, Wenkeloh in’n Westen un Sootel in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Groot Zittens in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Böörd Zittens in dat Amt Zeven tohöört un denn von 1852 bet 1885 to dat Amt Rodenborg. Na 1885 weer dat in’n Kreis Rodenborg. 1977 is dat Deel von’n ne’en, grötteren Kreis Rodenborg worrn.
Inwahnertall
[ännern | Bornkood ännern]| Johr | Inwahners |
|---|---|
| 1793[1] | 1 Füürsteed |
| 1824[2] | 2 Füürsteden |
| 1848[3] | 29 Lüüd, 4 Hüüs |
| 1. Dezember 1871[4] | 16 Lüüd, 4 Hüüs |
Religion
[ännern | Bornkood ännern]Hunhorn is evangeelsch-luthersch präägt un höört to dat Kaspel von de Martin-Luther-Kark in Lauenbrüch, de 1955 bet 1957 boot un 1970 egenstännige Karkengemeen worrn is. Vörher hett de Oort to dat Kaspel von de Lucas-Kark in Scheeßl höört.
För de Kathoolschen is de Corpus-Christi-Kark in Rodenborg tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Hunhorn liggt bi de Landsstraat 130, de in’n Noorden över Homersen na Zittens löppt un in’n Süden na Scheeßl an de Bundsstraat 75.
De nächste Autobahn is de Autobahn 1 (Afsnidd Hamborg–Bremen). De Opfohrt 47 Zittens liggt so twölv Kilometer in’n Noorden von Hunhorn.
De nächste Bahnhoff is so bi fiev Kilometer wied weg in’n Süden de Bahnhoff Scheeßl an de Bahnlien Hamborg–Bremen.
Footnoten
[ännern | Bornkood ännern]- ↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 119: https://books.google.de/books?id=jN5QAAAAcAAJ&pg=RA1-PA119
- ↑ C. H. Jansen: Statistisches Handbuch des Königreichs Hannover. 1824, Sied 310: http://books.google.de/books?id=tG0AAAAAcAAJ&pg=PA310
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168: https://books.google.de/books?id=qTZDAQAAMAAJ&pg=RA2-PA168
