Hugo Chávez

Vun Wikipedia
Hugo Chávez, 2008
Ünnerschrift vun Hugo Chávez

Hugo Rafael Chávez Frías [['uɣo rafa'el 'tʃaβes 'fɾias]] (* 28. Juli 1954 in Sabaneta; † 5. März 2013 in Caracas[1][2]) weer en venezolaansch Offizier un Politiker. Van 1999 bit to sien Dood weer he Staatspräsident vun Venezuela, nehm wiels sien Amtstiet diverse Verfaatensännern vör un hett deelwies mit Sünnervullmachten per Dekret regeert.

Mit sien Programmatik hett sück Chávez up sien Vörbild Simón Bolívar beropen un de sien Insatz för en vereent Süüdamerika, woran he sück mit sien Bolivarisch Revolutschoon ünner Integratschoon vun sozialistisch un marxistisch Ideen ansluuten dee. De fröhere Oberstleutnant hett Anfang vun de 1980er Johren de Ünnergrundbewegen Movimiento Bolivariano Revolucionario 200 grünnd. Nah en scheefgahn Putschversöök, de hüm landswiet bekannt maken dee, keem he för twee Johr in Haft. He hett denn de Movimiento Quinta República grünnd un wunn 1998 die Präsidentschapswahlen. Bi de Wahlen 2000, 2006 un 2012 wurr he dreemal nahnanner weer wählt.[3]

Of Chávez sien Amtstiet as demokraatsch legitimeert oder völmehr diktatorisch bewert wurrn moot, is bit hüüd Gegenstand vun Debatten.[4]

Privates[ännern | Bornkood ännern]

Chávez wurr as Söhn vun den ehmalgen Dörpschoolmeester Hugo de los Reyes Chávez un sien Fru Elena Frías de Chávez in den westvenezolaanschen Bundsstaat Barinas boren. He weer tweemal verheiraadt un harr veer Kinner (Rosa Virginia, María Gabriela, Hugo Rafael und Rosinés). Storven is he an de Folgen vun en Krebserkrankung.

Weblenken[ännern | Bornkood ännern]

Hugo Chávez. Mehr Biller, Videos oder Audiodateien to’t Thema gifft dat bi Wikimedia Commons.


Enkeld Nahwiesen[ännern | Bornkood ännern]

<references>

  1. Murió Chávez - Hasta siempre, comandante (spaansch) up www.montevideo.com.uy van' 5. März 2013, afropen an' 5. März 2013
  2. Nahricht vun sien Dood upSpiegel.de
  3. tagesschau.de Klarer Sieg für den „Comandante“, 8. Oktober 2012
  4. Hugo Chávez: Demokrat oder Diktator?. DW Online van' 9. Januar 2012