Hicatee Creek

Vun Wikipedia
Hicatee Creek
Laag Guatemala, Belize
Stroomsystem Río Sarstún
Läng 19 km
Born bi Timax
Münn in’n Río Sarstún

De Hicatee Creek is en Stroom in Guatemala un Belize, de in’n Río Sarstún münnt.

De Stroom hett sien Born in Guatemala bi Timax annerthalv Kilometer vör de Grenz na Belize. Von dor flütt de Stroom över de Grenz na dat Dörp Dolores un denn na Süden an dat Dörp Machakilha vörbi. En lütt Stück in’n Süden flütt de Hicatee Creek mit’n San Pedro River (oder ok Savery Branch) tohoop, wat en Siedenarm von’n Río Sarstún/Sarstoon River is. Bet dorhen is de Stroom 13 Kilometer lang. De San Pedro River is de düüdlich gröttere Stroom, liekers warrt de Waterloop von de Steed af an jümmer noch Hicatee Creek nöömt (ofschoonst dat ok Borns gifft, de düssen Afsnidd San Pedro River/Savery Branch nöömt). Düsse Afsnidd is knapp söss Kilometer lang. De Hicatee Creek münnt denn en poor Kilometer in’n Süden von Machakilha in’n Sarstoon River. Dat Water von’n Sarstoon River flütt in de Karibische See. Je na Status von’n letzten Afsnidd is de Hicatee Creek also 13 oder 19 Kilometer lang.

Dat Land an’n Hicatee Creek besteiht in Guatemala un bi Dolores un Machakilha deelwies ut Vehweiden, to en groten Deel aver noch ut Holt, de noch in en naturnahen Tostand is.


Koordinaten:15° 54′ N, 89° 12′ W