Hermann Luttmann
Hermann Luttmann (* 2. Oktober 1957 in Lüttjen Heinz) is en düütschen Verwaltungsbeamten. He is Maat von de CDU.
Luttmann is 1957 as drüdd von söss Kinner von en Buur in Lüttjen Heinz boren. Sien Abitur hett he an dat Gymnasium an’n Wall in Veern maakt un hett twee Johr Wehrdeenst bi de Bundswehr afleist (Lent-Kasern in Rodenborg). Denn hett he an de Universität Heidelbarg Juristeree studeert un von Januar 1988 af an as Dezernent bi’n Landkreis Rodenborg arbeidt. He weer Viez von’n Böverkreisdirekter un von 2000 af an von’n Landraad Hans-Harald Fitschen. He is bi de Wahl 2006 as Kannedaat von de CDU mit 60,4 % von de Stimmen to’n Landraad von’n Landkreis Rodenborg wählt worrn un bi de Wahl an’n 25. Mai 2014 mit 62,14 % von de Stimmen för en twete Amtstied wedderwählt worrn, de bet 2021 duurn schall.
He is siet 1989 verheiraadt mit de Politikerin Mechthild Ross-Luttmann. De beiden hebbt twee Döchter un een Söhn un leevt in Rodenborg.
