Hans-Harald Fitschen

Vun Wikipedia

Hans-Harald Fitschen (* 1943 in Elsdörp) is en düütschen Verwaltungsbeamten. He is Maat von de CDU.

Fitschen is 1943 as Söhn von’n Schoolmeester an de Volksschool in Elsdörp boren. He hett sien Abitur an dat Raadsgymnasium Rodenborg maakt, hett Juristeree an de Universitäten Hamborg un Göttingen studeert un sien Dokter 1972 över dat Arbeidsrecht in Däänmark, Sweden un Noorwegen maakt (Die Beteiligungsrechte der Arbeitnehmer in den nordischen Rechten).

Fitschen weer denn Beamten bi’n Landkreis Rodenborg. He is von Februar 2000 bet 31. Oktober 2001 Böverkreisdirekter ween. Fitschen weer von’n 1. November 2001 bet 2006 Landraad von’n Landkreis Rodenborg, nadem he as Kannedaat von de CDU 57,8 % von de Stimmen kregen hett. 2006 is he nich wedder as Kannedaat för den Landraad antreden. Sien Nafolger is Hermann Luttmann worrn.

Fitschen is verheiraadt, hett twee Söhns un leevt in Rodenborg.

Warken[ännern | Bornkood ännern]

  • Die Beteiligungsrechte der Arbeitnehmer in den nordischen Rechten. 1972
  • Landkreis Rotenburg (Wümme). Lebensraum mit Perspektiven. 2002, ISBN 9783883632032