Henrik Forsberg

Vun Wikipedia

Hans Henrik Forsberg (Nahnaam [fɔʂbærj]; * 16. Februar 1967 in Borlänge) is en ehmalger sweedsch Skilanglöper un Biathlet.

Henrik Forsberg sien Karriere fung as Skilanglöper an. De Athlet vun Bergeforsen SK is eerstmals 1988 bi en 30-Kilometer-Rennen in Falun antreeden un keem glieks up den fievten Platz. Dree Johr later wunn he an de sülvig Stäe över de sülvig Distanz to’n eersten un eenzigen Mal. Bit 1999 is he in mehr as 70 Weltcup-Rennen an den Start gahn, meest 30 mal keem he dorbi ünner de best Teihn, fiev Mal sogor up dat Podium. Todem hett he veer FIS-Rennen up sien Naam schrieven kunnt. Bi sien eerste Nordisch Skiweltmeesterschap 1991 in’ Val di Fiemme keem he up Platz Acht in dat 30-Kilometer-Rennen. Veer Johr later in Thunder Bay weer Forsberg sien best Platzeeren Platz Fiev över de sülvige Distanz. Sien meest WM-Insatzen harr he mit veer Rennen 1997 in Trondheim, best Ergevnis weer dorbi Platz Negen weer över de Distanz vun 30 Kilometer. Bi sien letzt WM 1999 in Ramsau reck he över de 50-Kilometer-Distanz Platz 20. Sien letzt Langlooprennen hett he 2001 bestreeden.

1999 wessel Forsberg vun Skilangloop to’n Biathlonsport un is siet de Saison 1999/2000 in’ Biathlon-Weltcup antreeden. Sien eerst Rennen weer en Sprint in Pokljuka, bi de he den 84. Platz belegg. Eerstmals Punkte wunn he 2000 as 27. bi en Sprint in Antholz. In Oberhof belegg he 2001 in en Verfolgungsrennen mit Platz veer sien eerst Ergevnis ünner de best Teihn. Tweemal, in Lake Placid as Dart un in Osrblie as Tweet, jewiels in Sprintrennen, keem he sogor up Podestplatzen.

Dreemal is Forsberg bit Grootereignisse an den Start gahn. 2000 bi de Biathlon-Weltmeesterschapen an’ Holmenkollen in Oslo, wo he 79. in’ Eenzel un 63. in’ Sprint wurr, as ok 2001 weer bi en Biathlon-WM. In Pokljuka belegg Forsberg Platz 24 in’ Eenzel, 45 in’ Sprint un 51 in de Verfolgung, as ok Platz 16 mit de Staffel. Hööchtpunkt in Forsberg sien Biathlonloopbahn weern de Olympisch Spelen 2002 in Salt Lake City. In dat Eenzelrennen keem he dorbi up Platz 47, in’ Sprint up Platz 63 un mit de Staffel reck dat för Platz 14. 2002 hett he sien Karriere afslooten. Intüschen övernimmt he offizielle Funktschonen in’ sweedschen Verband.

Privates[ännern | Bornkood ännern]

He is siet 1996 mit Magdalena Forsberg verheiraadt un leevt in Bergeforsen. Dat Ehepaar hett twee Kinner.

Weblenken[ännern | Bornkood ännern]