Heinrich Wienke

Vun Wikipedia
Wesseln na: Navigatschoon, Söök

Heinrich Wienke, ok Hinnerk Wüinke (* 2. August 1898 in Brokelsüik; † 31. März 1963 in Hameln) was eun plattduitsken Schrüiver. Heu schreiv up Lippsk Platt un was eun Ehrenliddmaad van de plattduitsken Vereun in Lippe un kreig in’n Johr 1952 den Klaus-Groth-Pries (Hamborg). Heu arböjj mit an eunen Wöörbeok för’t Lippske Platt.

Heinrich Wienke wurr den 2. August 1898 in Brokelsüik büi Schüer boren. Süin Vadder was de lippske Schrüiver Friedrich Wienke. No’r Scheoltüid arböjj heu för eunen Sommer Tüid, os eun Tichler anr Nedderelv. Heu maak en Lehre teo’n Starkstromtechniker un focht os eun Soldaat in’n öörsten Weltkrüig. No’n Krüige kriggt heu de Baantje os de Betriebsinspekter. In’n tweuten Weltkrüige is heu för eun Tüid land os Berichterstatter in Russland teogange un ging denn büi os technisch Leudsmann för den Wedderupbiu van duitsken, ramponöörten Städen. Blangenbüi werkt heu äuk os eun Journalist. Heu bleiv den 31. März 1963 in Hameln däud.[1]

Werke[ännern | Bornkood ännern]

  • De aule Klang : Gedichte in lippsken Platt Heinrich Wienke, Friedrich Wienke, Justine Wienke; Deppelt: Bösmann, (1954)
  • Plattdeutscher Lesebogen teohäupe stellt van Heinrich Wienke mit Heinrich Hanke un Wilhelm Süvern.(1959)
  • Lippisches Wörterbuch : Hochdeutsch-plattdeutsch, Heinrich Wienke, Heinrich Gehle; Waberich (1968), 2.Uplage (1975)

Weblenken[ännern | Bornkood ännern]

Borns[ännern | Bornkood ännern]

  1. Indrag in’n Westfölsken Autorenlexikon