Heinrich Hanke

Vun Wikipedia
Wesseln na: Navigatschoon, Söök

Hennak Hanke , mit richtigen Namen Heinrich Hanke (* 1. April 1906 in Bentrup büi Höoensen; † 21. April 1968 in Läosen) was eun plattdüütschen Schrüiver, de up Lippsk Platt schreev. Heu was eun Kaupmann un later Scheolmeester van Proffescheon.

Lieven[ännern | Bornkood ännern]

Heinrich Hanke es de Suhne van'n Scheohmaker un wor in Bentrup boren un togen. Os'n lüttken Jung geuht heu na de Dörpscheole. Heu möök 1920 eun Lehr teo'n Kaupmann in Lemge un ging denn büi in Varel teo arböjjen. Heu arböjj auk in Hannober, Mannheim un Berlin. 1931 worte heu arböjjleos, van wegen de Graute Deprescheon. 1936 het Hanke denn wedder os Beokhauler in'r Firma in Hannobe, arböjjet un denn af 1937 an in’r Firma in Bronswiek. Büilängs speel Heinrich Hanke auk plattdüütsch Theater. In'n Tweuten Weltkrüig focht Heinrich Hanke os’n Suldaat. Na’n Krüig feng heu an teo studeeren, Scheolmeester teo werrn. Dorup was heu, för eun Tüid van 21 Johren, Scheolmeester an'r Volksscheole in Läosen. Heu es den 21. April 1968 mit Daude afgohn.

Heinrich Hanke schreev van Oktober 1929 an elke Week de Kolumme n’bieden förn Sunndagnomdag met Dönnekens un Vertellsels, in'r Lippischen Landeszeitung. Süin öörstes Beok Kinner van'n Süll het Heinrich Hanke 1932 riutbrocht. Dor sind welke Geschichten un Dönnekens, de ol in Dagbläddern un Tüischriften druckt worrn, in sammelt. In Heinrich Hanke süin tweutes Beok Pünjeshagen sind Geschichten iut dat fiktive lippske Dörp Pünjeshagen binnen. Man Heinrich Hanke schreev auk dat haugduitske Beok Das ewige Wandern. Dor beschrifft heu dat Lieven un van de Lippsken Tichler in. Düsse Lippers het eun seo karg un pover Lieven fohren, dat seu iut ühr Heumat weg gohn sind bet in de Nedderlannen eoder auk Dänemark in Tichelwerken teo arböjjen, up dat seu ühre Famüiljen bekoken un beflicken konn.[1][2]

Werke[ännern | Bornkood ännern]

Plattduitkse Werke[ännern | Bornkood ännern]

  • Kinner van´n Süll : Lippske plattduitske Vertellse iut auler un nuigger Tuit - Detmold : Meyer, 1932. - 66 S.
  • Pünjeshagen : Vertellsel up lippsk Platt - Detmold : Lippischer Heimatbund, 1963. - 95 S.
  • De Weutendeuf : Eun Stücke in dreu Ennen - Lockhausen, 1971
  • Mester Bax : Eune Komödie in fuif Billern. - Lockhausen, 1971
  • De Lüftucht : Eun Spell in eunem Uptog - Lockhausen, 1971
  • De witte Ünnerrock : Eun lustig Spell in dreu Uptögen - Lockhausen, 1971

Haugduitske Werke[ännern | Bornkood ännern]

  • Das ewige Wandern. Roman aus dem Zieglerleben. Detmold: Lipp. Heimatbund. 1985

Literatuur[ännern | Bornkood ännern]

  • Geschichtswerkstatt Exter, Spurensuche XII, Linnenbeeke bis Bentorf, 2004, Reihe Beiträge zur Ortsgeschichte ISSN 1619-7828
  • Süvern, Wilhelm, „Hennak Hanke Sein Leben und Werk“, (Biographie) 1976, Lippischer Heimatbund in Detmold

Enkeld Nawüisen[ännern | Bornkood ännern]

  1. http://www.ins-bremen.de/pbub/autor-werke.php?ID=519&START=1&ORD=JAHR
  2. http://www.lwl.org/literaturkommission/alex/index.php?id=00000003&letter=H&layout=2&author_id=00001193

Weblenken[ännern | Bornkood ännern]