Heinrich Otto von Borries
Heinrich Otto von Borries (* 10. November 1728 in Stood; † 21. November 1785 ok dor) weer en düütschen Jurist.
Borries is 1728 as Söhn von Dorothea Sophia Charlotta, borene Bacmeister (23. August 1695–24. Juli 1755; Dochter von Johann Christian Bacmeister), un den Beamten Johann Friederich von Borries (26. Dezember 1684–21. März 1751) in Stood boren. Sien Vader is 1733 von Kaiser Karl VI. in’n Adelsstand hoven worrn un de Familie hett von de Tied an von Borries heten.[1] He weer eerst an de Universität Jena un hett sik denn an’n 14. Oktober 1750 för en Studium von de Juristeree an de Universität Göttingen inschreven. Na dat Studium is he in’n kurhannöverschen Justizdeenst gahn un 1751 Auditer worrn. 1755 is he außerordentlichen Justizraad worrn un 1768 ordentlichen Justizraad.
He weer Justizraad bi de Justizkanzlie Stood un Hoffgerichtsassesser bi dat Hoffgericht Stood. 1761 is he Kunsistorialraad von dat Kunsistorjen in Stood worrn. Von 1784 bet to sien Dood 1785 weer he tosätzlich Viezdirekter von dat Kunsistorjen. Ofschoonst he den Titel Viezdirekter harr, harr he dormit dat Leid över dat Kunsistorjen.
Von Borries hett an’n 5. Mai 1769 in Beers Eleonore Sophie Grote (25. Februar 1749–6. März 1820) freet.[2] De beiden harrn de Kinner Wilhelm Friedrich (3. Juni 1776–19. Oktober 1819), Philipp Karl Ludwig (26. April 1778–17. Juni 1838), Caroline Dorothea Johanna (30. August 1781–4. Februar 1844) un Franz Wilhelm (9. April 1785–15. August 1858).[2]
Footnoten[ännern | Bornkood ännern]
- ↑ Johann Hinrich Pratje: Vermischte historische Sammlungen. Verlag des Vaterländischen Vereins, 1844, Band 2, Sied 206
- ↑ a b Indrag to Eleonore Sophie Grote op stammreihen.de