Heinrich Denicke

Vun Wikipedia
Zur Navigation springen Zur Suche springen

Heinrich Denicke (* 2. Januar 1856 in Buxthu; † 30. November 1943 in Horborg) weer en düütschen Jurist un Verwaltungsbeamten.

Denicke is 1856 as Söhn von’n Koopmann Heinrich David Denicke (1827-1912) in Buxthu boren.[1] Bet he twölv weer, weer he op de Högere Börgerschool in Buxthu un denn op Gymnasium in Hannover. Dor hett he 1874 dat Abitur maakt.[1] He hett dree Johr Juristeree an de Universitäten Heidelberg, Leipzig un Göttingen studeert.[1] Na dat Studium hett he 1877/1878 sien Militärdeenst in Stood bi dat Sleswigsche Artillerie-Regiment Nr. 9 maakt.[1] He weer denn Referendar bi de Amtsgerichten Buxthu, Stood un Freeborg, bi de Landgerichten Stood un Hannover un weer later an dat Oberlandsgericht Celle, bi de Staatsanwaltschaft Stood un Avkaat in Hannover.[1] 1883 is Denicke Hülpsrichter in Ibig worrn. Na de Tied in Ibig is he Syndikus von de Stadt Horborg ween. 1899 is he denn as Nafolger von Julius Ludowieg Börgermeester von de Stadt Horborg worrn un denn von 1903 af an Böverbörgermeester. In disse Tied hett sik Denicke besünners för de Weertschop insett. In siene Amtstied is de Horbörger Tiedhaven mit dree Havenbeckens boot worrn. 1901 is en E-Wark in Bedriev gahn un de eerste Stratenbahn is dör Horborg föhrt. Denicke is bet 1924 Börgermeester bleven. Na em hett Walter Dudek dat Amt övernahmen.

Ehren[ännern | Bornkood ännern]

1924 is Denicke Ehrenbörger von de Stadt Horborg worrn un 1930 hett de Denickestraat an de Grenz twüschen Eißendörp un Heimfeld na em ehren Naam kregen.

Footnoten[ännern | Bornkood ännern]

  1. a b c d e Helmut Stubbe-da Luz: Die Oberbürgermeister: Heinrich Denicke Harburg, Bernhard Schnacken Altona, Erich Wasa Rodig Wandsbek. 1992, Sied 15ff