Heikki Westerinen

Vun Wikipedia
Heikki Westerinen, 1987 in Altensteig

Heikki Markku Julius Westerinen (* 27. April 1944 in Helsinki) is en finnisch Schachspeler.

Leben[ännern | Bornkood ännern]

Heikki Westerinen, 1970
Borik, Lobron un Westerinen bi de Schacholympiade 1980 up Malta
Vlastimil Hort un Westerinen, Düörpmer Schachdaag 2007[1]

Ofschons Westerinen sück nah en Mathematik-, Physik un Chemiestudium to’n Lehrer utbillen leet, hett he sück doch för en Loopbahn as Beropsschachspeler entscheeden. 1967 wurr he Internatschonaler Meester. 1975 wurr he nah sien Turniersieg bi de Düörpmer Schachdaag de eerst Grootmeester vun Finnland.[2] Sien hööchste reckt Elo-Tall weer 2485 (Januar 1976).

In de Johren 1965, 1966, 1968 un 1970 wurr he finnisch Landsmeester in’n Schach. In‘n Harvst 1971 in Berlin keem Westerinen bi de Internatschonale Düütsch Meesterschap achter Svetozar Gligorić un Jan Hein Donner up den darten Platz, bleev aber vör Hans-Joachim Hecht, Raymond Keene, Werner Hug, Wolfgang Unzicker un annern.[3] Sien gröttste Erfolge sünd de Siege bi de Turniere Düörpm 1973[4](vör Ulf Andersson un Bruno Parma] un 1975[5], Stockholm 1975, London 1979. Twintig Johr later bi en IM-Turnier 1996 in dat sweedsch Timrå, dat Holger Grund vör Paul Motwani wunn, keem he noch up en 4. Platz.[6] In'n August 2019 wunn Westerinen in Helsinki en to Ehren vun sien 75. Gebortsdag utdragen Jubiläumsturnier[7] vor Yrjö Rantanen.[8]

Nationalmannschap[ännern | Bornkood ännern]

Mit de finnisch Natschonalmannschap hett Westerinen van 1962 bit 1996 an all 18 Schacholympiaden deelnommen, de 19. Deelnahm weer 2006. 1964 reck he dat tweetbeste Ergevnis an dat tweet Brett, 1966 ebenfalls an dat tweet Brett dat dartbeste Ergevnis.[9] Buterdem nehm he mit Finnland an de Mannschapseuropameesterschapen 1989, 1992, 1997 un 2007 deel.[10]

Vereens[ännern | Bornkood ännern]

In Finnland speel Westerinen för Gaia Helsinki un Salon SK, mit de he an’n European Club Cup deelnehmen dee. [11] In Düütschland speel he in de 1970er- un 1980er-Johren för de Solinger SG 1868, mit de he 1980 düütsch Mannschapsmeester wurr, den European Club Cup 1976 wunn un dat Halffinale vun den European Club Cup 1979 recken dee.[11]

Theoriebidrääg[ännern | Bornkood ännern]

Nah Heikki Westerinen is en Afspeel in de Königsindisch Verteidigung nöömt wurrn: de Westerinen-Variante entsteiht nah de Tüüg 1. d2–d4 Sg8–f6 2. c2–c4 g7–g6 3. Sb1–c3 Lf8–g7 4. e2–e4 d7–d6 5. Sg1–f3 0–0 6. Lf1–e2 Lc8–g4 7. Lc1–e3 Sf6–d7. Westerinen hett sien Afspeel dör den faken Gebruuk in de 1970er Johren bekannt maakt. Hüüd finnd man dat sogor up Toplevel: de Aserbaidschaner Şəhriyar Məmmədyarov hett dit Afspeel in sien Partie gegen Loek van Wely in Wijk aan Zee 2006 bruukt.

Ferner schreev Heikki Westerinen en Heft över Afspelen vun dat Sämisch-Systems vun de Königsindisch Verteidigung mit en fröh Sb8–c6.[12]

Literatur[ännern | Bornkood ännern]

  • Erkki Havansi: Heikki Westerinen, shakin mestari. Kirja shop, Helsinki 1969. (finnisch)

Weblinks[ännern | Bornkood ännern]

Commons-logo.svg Heikki Westerinen. Mehr Biller, Videos oder Audiodateien to’t Thema gifft dat bi Wikimedia Commons.

Enkelad Nahwiesen[ännern | Bornkood ännern]

  1. Match ehemaliger Sieger der Dortmunder Schachtage: Vlastimil Hort – Heikki Westerinen up TeleSchach
  2. Willy Iclicki: FIDE Golden book 1924-2002. Euroadria, Slovenia, 2002, S. 76.
  3. 52. Deutsche Schacheinzelmeisterschaft 1971 in Berlin up TeleSchach (Krüüztabell un Partien)
  4. Dortmunder Schachtage 1973 - Bericht vun TeleSchach
  5. Dortmunder Schachtage 1975 up TeleSchach
  6. IM-Titel für Holger Grund. JugendSchach Utgaav 4/96, S. 4–6 (Bericht, Foto, Tabell un Partie).
  7. [1] Helsinki Chess Festival Senior (65+) and GM Heikki Westerinen 75 year jubilee
  8. [2] Endergebnis Helsinki Chess Festival Seniors 2019
  9. Heikki Westerinen sien Ergevnisse bi Schacholympiaden up olimpbase.org (engelsch)
  10. Heikki Westerinen sien Ergevnisse bi Mannschapseuropameesterschapen up olimpbase.org (engelsch)
  11. a b Heikki Westerinen sien Ergevnisse bi European Club Cups up olimpbase.org (engelsch)
  12. Westerinen, Heikki: Sc6!?. Schackbulletinens Förlag, Kuhmo 1972.