Hartwig I.

Vun Wikipedia
(wiederwiest vun Hartwig I. vun Stood)
Zur Navigation springen Zur Suche springen

Graaf Hartwig I. vun Stood (* vör 1118; † 11. Oktober 1168 in Bremen) weer de Bischop vun Bremen vun 1148 bet 1168.

Hartwig is as Söhn vun Graaf Rudolf vun Stood un vun Richardis, Gräfin vun Spanheim, boren. He kummt 1124 in ene Oorkunn as Kind vör un 1130 kummt he in en annere Oorkunn as Schenkgever vör, wat en Öller vun opminnst twölf Johr vörutsetten deit. He is also wohrschienlich vör 1118 boren. He weer de letzte vun de Grafen vun Stood, vun de Udonen. Nadem sien Vadder doodbleven weer, is he op de Göder vun siene Mudder bi Meideborg un Jerichow optagen worrn. He is vun 1142 af an Kanoniker in Meideborg, warrt 1143 Proovst vun dat Doomkapitel Bremen un 1148 Nafolger vun Adalbert II. as Arzbischop vun dat Bisdom. He is 1168 doodbleven un Baldwin I. weer sien Opfolger.

Nadem sien öller Broder Rudolf 1144 doodbleven is, ahn dat he Kinner harr, schull dat Land vun de Grafen vun Stood an dat Bisdom Bremen kamen, ünner dat Beding, dat Hartwig dat sien Leevdag as Lehn behollen schull. Doch Hinrich de Lööw hett vör Gericht un mit Gewalt allens an sik reten. He wull sien Macht in Sassen utboon. Hartwig hett de Bisdömer Swerin, Ratzeborg un Oldenborg 1158 wedder oprichten laten, de Adalbert vun Bremen 1062 inricht harr, de aver kort later vun de Wenden al wedder terslaan worrn sünd. Ok hier harr he Arger mit Hinrich de Lööw un Hartwig müss Hinrich dat Recht geven, de Bischöp intosetten.

Kiek ok bi[ännern | Bornkood ännern]