Harry Potter un de Wunnersteen

Vun Wikipedia
Zur Navigation springen Zur Suche springen

Harry Potter un de Wunnersteen (Originaltitel: Harry Potter and the Philosopher’s Stone, in de USA: Harry Potter and the Sorcerer’s Stone) is de eerste Band vun Joanne K. Rowling ut de Harry-Potter-Romanrieg, de ut söven Delen bestahn deit. Dat Book is an’n 26. Juni 1997 in’n britisch Bloomsbury-Verlag utbrocht worrn; de plattdüütsch Översetten 2002 in’n Verlag Michael Jung in Kiel. Hartmut Cyriacks un Peter Nissen hebben de eersten twee Harry-Potter-Böker översett. Sabine Wilharm hett dat Titelbild schapen.

De Geschicht folgt Harry Potter, enen jungen Töverer; sien egen magisch Arf warrt em wies dör en Breef vun de Hogwarts School för Töveree un Hexeree an Harry sien ölbenten Geboortsdag. He findt gau Frünnen, maakt sik man ok Fienden. Op de Höögt vun’t Wark steiht Harry dwars sienen gröttsten Gegensmann: den trüchkamen Lord Voldemort, de Harry sien Öllern ümbröcht hett, as de noch all lütt wesen is.

De Roman hett bannig veel mang de britsch Bookpriesen wunnen, bi denen Gören un Öllern afstimmen kunnen, un anner Priesen in den Vereenigten Staten. Anner Kritikerslüüd ut religiösen Kreisen hett de Romanrieg wegen den Magieaspekt böös angriepen. In’n poor Länner is dat Book wedder ’t Gesett.

Tosamenfaten[ännern | Bornkood ännern]

Wohrschau: Dit Tosamenfaten vertellt den helen Inholt un mag di also de Geschicht verdarben, wenn du se noch lesen wiss.

Vörgeschicht[ännern | Bornkood ännern]

De fünschste un mächtigste swatte Töverer in de Historie, Lord Voldemort, hett de Ehlüüd James un Lily Potter ümbröcht, man achter den fehlslaan Versöök, ehrn Lütten Harry doot to maken, wat bi dem en Naarv achterlett, is sien Töverknööv op snaaksch Wies över Stüer gahn. Wieldat de Töverwelt Voldemort sien Verdarben, so as dat lett, fiern deit, bringt Perfesser Dumbledore, Perfessersch McGonagall un de Halvries Rubeus Hagrid dat enjohrig Schietbüddel in de Acht vun Harry sien Onkel Vernon un sien Möhm Petunia Dursley un den ehr verhätschelt Göör Dudley Dusley.

Harry findt sien Töverknööv[ännern | Bornkood ännern]

Över teihn Johren, de he in Liguster-Weg Nummer veer verleevt, warrt Harry vun den Dursleys meist as en Dener as as en Liddmaten behannelt: Se dwingt em, in en Schapp ünner de Trepp to wahnen. Kort vör Harry sien ölbten Geboortsdag warrt en Reeg vun Breven, an Harry adresseert, tostellt, man Onkel Vernon maakt toschann, dat Harry se lesen kann, wat jümmers mehr Breven to Folg hett. Üm vör de Floot an Breven uttobüxen, bringt Herr Dudley de Familie to en Hotel; man as dat de Breven ok dor ankaamt, lehnt he en Boot un hüürt en Kaat op en lütt Eiland. Dat is Harry sien ölbten Geboortsdag üm Middernacht, dat Hagrid dör de Döör hen breekt un de Breef to stellt un verkloort, wat de Dursleys em nie nich vertellt hebben: Harry is en Töverer un is opnahmen worrn an de Hogwarts School för Töveree un Hexeree. Hagrid bringt Harry to en versteekt Straat in London, nöömt «Diagon-Allee», neem Harry sien för em unvermoden Pries mang Hexen un Töverers, keen över em as «de Jung, de leevt» snacken deit, wies warrt. Jüst so findt he sien groot Arf in de Töverbank Gringotts. Ledden vun Hagrid, köfft he Tüüch, dat he för sien eerste Johr op Hogwarts bruken deit, un as Geboortsdagsgaav kriggt Harry vun Hagrid en Snee-Uul as Huusdeert, de he Hedwig nöömt. En Maand later verlaat Harry de Dursleys, üm mit den Hogwarts Express vun den Bahnhoff Kings’s Cross to sien nieg School to fohren. Dor bemöt he de Familie Weasley, de em wiest, wo he dör de magisch Wand to Gleis negendreeviddel kaamt, neem de Tog op em töven deit. In’n Tog bemöt Harry en vun sienen Mitschölers ut dat eerste Johr, Ron Weasley, mit keenen Harry foorts Fründschopp sluut, un en vun sien Mitschölerschen, Hermine Granger, mit welk dat Ies later breken warrt. Op Hogwarts kriegt Harry doch ok Fienden, so as enen anneren Eerstklässler, Draco Malfoy. De beet Harry sienen Raat an, aver Harry mag em op sien Grootheit nich un wiest dat Anbott vun Fründschopp af.

Harry mutt sik op Hogwarts torecht finnen[ännern | Bornkood ännern]

Op Hogwarts geevt dat den magisch Verdeler-Hoot, welk de Schölerschen un Schölers in’t eerste Johr op de veer Hüüs, mit denen se an’n best övereen stimmen, verdelen deit. As de Hoot an’t Sinneren is, wat he Harry in Slytherin, dat beropen is för möögliche swatte Hexen un Töverer, steken schall, geiht Harry gegen an, un de Verdeler-Hoot schickt em na Gryffindor; Ron un Hermine sünd ok dorhen toornen, un Draco to Slytherin as sien heel Familie ok. Harry fangt an mit den Ünnericht op Hogwarts: He besöökt Verwanneln bi den Baas vun Gryffindor, Miverva McGonagall, Küterkunn bi den Baas vun Hufflepuff, Pomona Sprout, Töverkünsten bi den Baas vun Ravenkrall, Filius Flitwick, un Weheren gegen Düüster Künsten bi Quirinius Quirrell. Harry sien minnst leevst Fach is Töversluck bi Severus Snape, de Baas vun Slytherin, un dat lett, as wenn he Harry jüst so minn acht.

Harry findt snaksche Saken[ännern | Bornkood ännern]

Harry, Ron un Hermine warrt bannig antreckt dör Saken binnen un buten vun de School, besünners, achter se enen gresig groten Hund mit dree Köpp bemöten, de op en Klapp in Bodden in’n verbaden Korridor wachten deit. Se warrt butendem op Snape sien Verhollen wies un warrt övertügt, dat he na en Weg kieken deit, wo he an den Hund vörbi dör de Luuk dör kamen kann.

Quidditsch[ännern | Bornkood ännern]

Harry findt in sik en Gaav för’t Flegen op Bessens, un man beroopt em as Söker för de Gryffindorer Huusmannschopp in Quidditsch, en magisch Sport, spillt in de Luft. Sien eerste Partie geiht goot, bi dat sien Bessen to slingern anfangt un em meist afsmiet. Ron un Hermine vermoden en veniensch Spill vun Snape, wiel he sik snaaksch verholl. To Wiehnachten kriggt Harry vun enen unklooren Afsenner enen Tarnümhang, de unsichtbor maakt; un ’s Nachts kunkeluurt he de School ut. He findt den Negnel-Spegel, in welk en nich sien Gesicht, sünnern sien Hart sien Lengen ankieken kann.

Harry findt ut, wat de School inhöödt[ännern | Bornkood ännern]

Dank an en Dösigkeit vun Hagrid findt de dree ut, dat dat höden Ding in’t Slott de Wunnersteen is, de vun Dumbledore sienen olen Fründ Nicolas Fammel maakt warrn is. Harry kreeg bavento de Naricht vun enen Zentaur, den he in’n verbaden Woold bemöt, dat nüms anners as de Voldemort ahn Lief en Verschwörung, den Steen to stehlen, stüert, wat em sien Mischwesen trüch geven un sien Macht torechtklütern schull. Achterdat Dumbledore ünner falsch Vörwannen vun Hogwarts weg lockt worrn is, sünd Harry, Ron un Hermine bang, dat de Deveree direktemang an staht un gaht dör de Klapp dal.

Harry gegen Voldemort[ännern | Bornkood ännern]

Se mööt över en Reeg vun Hinnern kamen, vun de jeedeen sünnerlich Könen verlangt: Ron, to’n Bispill, geevt sik in en Partie Schach vör Harry un Hermine hen. In de letzte Kamer findt Harry, de nu alleen is, Quirell, de togeevt, dat he probeert harr, Harry in’t Quidditsch-Spill gegen Slytherin doot to maken; Snape harr Harry de hele Tiet behööd un sien snaaksch Verhollen harr dör sienen egen Verdacht gegen Quirrell kamen. He geevt wieder to, dat he an Halloween enen Puk in Hogwarts in laten hett.

Letzte Daag op Hogwarts[ännern | Bornkood ännern]

Quirrell is en vun Voldemort sien Lüüd. Voldemort sien Gesicht is op Quirrell sien Achterkopp un warrt bedeckt vun den sien Turban. He bruukt Harry, üm över dat letzte Hinnern to kamen: den Spegel Negnel, de den Wunnersteen inhöödt un den Steen blots an den en geevt, de em nich bruken will. As Quirrell Harry angriept, bringt dat Beröhren em den Dood. Harry fallt in Amidaam un waakt op in’t Krankenhuus vun Hogwarts, neem Dumbledore em vertellt, dat he överleevt harr, wiel sien Mudder sik för em hen geven harr, üm em to bewohren. Voldemort harr Quirrell starven laten un keem wohrschienlich op enen anneren Weg trüch; nu da de Steen tonicht maakt weer. De School gaht mit dat Tüügnisfest to Enn, an dat bekannt maakt warrt, dat Gryffindor den Huus-Pokaal winnt. Harry gaht trüch to de Familie Dursley de Ferien över.

Enkeltnawiesen[ännern | Bornkood ännern]