Peter Nissen (Schriever)
Peter Nissen (* 20. April 1957 in Bordelum, † 6. April 2026 in Hamborg [1]) weer en plattdüütschen Schriever.
Nissen studeer Engelsch, Philosophie un Freesche Philologie in Kiel. Vun 1987 bit 1994 weer he Dramaturg an’t Ohnsorg-Theater, geev Plattdüütsch-Ünnerricht an de Volkshoochschool Hamborg un weer bi de plattdüütsch Kabarett De scheewe Dree dorbi. Nahdem hüm de nee Ohnsorg-Intendant Thomas Bayer rutschmeeten harr, arbeidt he siet 1994 mit Hartmut Cyriacks tohoop. De beiden maakt as Cyriacks & Nissen Texten för’t Theater, för’t Feernsehn, för’t Radio un översett un schrievt Böker. Bi den NDR 90,3 hebbt se de Plattdeutschen Nachrichten in't Leven rufen un he weer ok bi de plattdüütschen Vertellwettbewarf „Vertell doch mal“ aktiv.[2]
Sünner Geld hett he sik ok veel för Noordfreesch insett. He weer in Vörstand vun Nordfriisk Instituut, wo he as Jungkeerl sülvst Freesch lehrt har. Later hett ok den freeschen Vertellwettbewarf „Ferteel iinjsen!“ mit in't Leven rufen.[3]
2026 is he nach en korten Krankheit dood blieven.[1]
Uttekens
[ännern | Bornkood ännern]- 1996: Nedderdüütsch Literaturpries vun de Stadt Kappeln, mit De scheewe Dree
- 2003: Nedderdüütsch Literaturpries vun de Stadt Kappeln, tosomen mit Hartmut Cyriacks
- 2012: Quickborn-Pries, tosomen mit Hartmut Cyriacks
- 2014: Fritz-Reuter-Pries vun de Carl-Toepfer-Stiftung in Hamborg, tosomen mit Hartmut Cyriacks
- 2018: Heinrich-Schmidt-Barrien-Pries, tosomen mit Hartmut Cyriacks
- 2026: Ohnsorg-Verdienstmedaille för sien Insatz för dat plattdüütsche Theater
Warken
[ännern | Bornkood ännern]kiek bi Cyriacks & Nissen.
Footnoten
[ännern | Bornkood ännern]- 1 2 Jan Wulf: Trauer um den "Platt-Papst": Peter Nissen im Alter von 68 Jahren gestorben. In: Hamburg Journal. NDR Fernsehen, 7. April 2026, afropen an’n 12. April 2026.
- ↑ Jan Wulf: Peter Nissen, Hennebergbühn un Plattdüütschdag-Highlights. In: Wi snackt Platt. NDR 90,3, 12. April 2026, afropen an’n 9. Mai 2026 (plattdüütsch).
- ↑ We sörje am Peter Nissen. In: Nordfriisk Instituut. 7. April 2026, afropen an’n 9. Mai 2026.