Habsborgerriek

Vun Wikipedia

Unner den inoffiziellen Naam vun dat Habsborgerriek (ok Habsborger oder Habsborgsche oder öösterrieksche Monarkie, Donaumonarkie) faat de Wetenschop vun de Historie de Länner un Gemarken in Europa tohopen, de dat Huus Habsborg (vun 1736 af an Habsborg-Lothringen) vun dat late Middeloller bit 1918 direktemang regeert hett. Dor hannelt sik dat um de Habsborgschen Arvlanne bi, un um Länner vun de böhmsche un de ungaarsche Krone. In de Tied vun Karl V., ehr datt de Habsborgers in en spaansche un en öösterrieksche Lien ut'neenfullen sünd, hören to dat Habsborgerriek ok de Länner vun de spaansche Kroon mit to. De Länner un Städer un Gemarken ut dat Hillge Röömsche Riek weert dor nich mit to tellt, wenn se rieksunmiddelbor weern. Over düsse Länner regeern de Habsborgers bloß man indirekt, in ehre Funktschoon as röömsch-düütsche Kaisers.