Hämolyytsch-uräämsch Syndrom

Vun Wikipedia
Wesseln na: Navigatschoon, Söök

Dat hämolyytsch-uräämsche Syndrom (kort HUS), ok Gasser-Syndrom, is en roor Syndrom, wat tomeist lüttje Kinner un Söögkinner bedrepen deit. Dor weert ut allerhand Grünn Blootzellen bi to Dutt maakt un de Neren könnt nich mehr richtig arbeiden. Dor steekt meist Gifte achter, de vun Bakterien herstammen doot. Dat gifft kumplette un nich-kumplette Formen.

Na dat Infektschoon-Schuulgesett mutt dat Syndrom mellt weern.

Wat dat Syndrom in Gang bringen deit[ännern | Bornkood ännern]

Meist kummt de Krankheit vun Vero-Toxin, wat en Gift (Toxin) is, dat vun Bakterien produzeert warrt. Sunnerlich de „enterohämorrhaagsche E. coli“(kort EHEC) bringt düt Gift tostanne. Man ok annere Kieme, de dat up den Darm afsehn hefft, könnt dat produzeern. De Kieme leevt meist in Beester.

Dat kummt nich so faken vor, dat een dat Syndrom ut annere Grünn kriegen kann. Mööglich weer, dat Medikamente dat utlööst (Ticlopidin, Clopidogrel, Chinin, Mitomycin C, Ciclosporin A, Pentostatin u. a.). Ok dat HELLP-Syndrom kann dor achter steken. Dat is en Komplikatschoon bi Froenslüde, de in annere Umstänn sünd.

Wat passert bi dat Syndrom[ännern | Bornkood ännern]

Bi dat HUS kriegt de Binnenwänn vun de Blootfatten (Endothel) ut unnerscheedliche Grünn en Knacks. In de Arteriolen vun de Neren weert de Stollfakters verbruukt. So kummt dat denn dor to, dat de Kranke veel bloden deit. In den Darm warrt dor denn en blöerige Schieteree vun. Denn treedt noch so nömmte Fragmentozyte in dat Bloot up, allerwegens fehlt dat an Blootplattkens (Trombozytopenie) un de Neren könnt nich mehr arbeiden un allerwegens gifft dat to veel Harnstoffe in'n Bloot (Urämie).

Literatur[ännern | Bornkood ännern]

  • Friedrich Carl Sitzmann: Pädiatrie. 300 Tabellen. 3. Uplage, overkeken un wieter utboot. Thieme, Stuttgart 2007, ISBN 3-13-125333-9, (Duale Reihe), (Das duale Lehrbuch).
  • Gerd Herold und Mitarbeiter: Innere Medizin. Eine vorlesungsorientierte Darstellung unter Berücksichtigung des Gegenstandskataloges für die ärztliche Prüfung. Mit ICD 10-Schlüssel im Text und Stichwortverzeichnis . Sülvstverlag, Köln 2007.
  • W. Böcker, H. Denk, Ph. U. Heitz (Hrsg.): Pathologie. 3. Uplage, ganz nee maakt. Urban & Fischer, München u. a. 2004, ISBN 3-437-42381-9.
  • S. Razzaq: Hemolytic uremic syndrome. An emerging health risk. Am Fam Physician. 2006 Sep 15;74(6):991-6. Review. PMID 17002034
  • M. Noris, G. Remuzzi: Hemolytic uremic syndrome. J Am Soc Nephrol. 2005 Apr;16(4):1035-50. Review. PMID 15728781

Belege[ännern | Bornkood ännern]