Gustav Albrecht (1828–1878)
Heinrich Theodor Gustav Albrecht (* 5. Februar 1828 in Hannover; † 22. August 1878 in Ollenstadt) weer en düütschen Verwaltungsbeamten un Politiker.
Albrecht is 1828 in Hannover as Söhn von Ulrike Margarethe, borene Luerman (18. April 1801–11. Juni 1832), un Karl Franz Georg Albrecht (19. Mai 1799–11. Februar 1873) boren (Familie Albrecht).[1] He weer bet 1847 op dat Lyzeum in Hannover.[2] He hett sik an’n 17. April 1847 as Student von de Juristeree an de Universität Göttingen inschreven un is to Oostern 1848 an de Universität Bonn wesselt.[1] Na dat Studium is he in’n hannöverschen Verwaltungsdeenst gahn. He is 1850 Amtsauditer bi dat Amt Ibig worrn un weer denn bi dat Amt Fürstenau.[2] Na dat twete Staatsexamen is he 1853 Amtsassesser worrn un weer bi dat Amt Bremervöör anstellt.[1][2] 1854 weer he Hülpsarbeider bi de Landdrostie Stood.[2] Von 1856 bet 1861 weer Albrecht Börgermeester von de Stadt Bremervöör.[1] 1861 is he as Amtsassesser in dat Amt Ollenstadt gahn.[1] Nadem Prüßen 1867 Hannover annekteert harr, weer he von 1868 bet 1878 Amtshauptmann von dat Amt Ollenstadt un Kreishauptmann von’n Kreis Ülzen.[1]
1876 is Albrecht för den Wahlkreis Hannover 26 (Ülzen) Afornten in dat Prüüßsche Aforntenhuus worrn (Natschonalliberale Partei) un dat bet to sien Dood 1878 bleven.[1]
He hett den Prüüßschen Kronenorden kregen.[1]
Albrecht hett an’n 28. März 1855 in Hamborg Anna Katharina von Düring (9. Februar 1826–25. April 1874; Dochter von Karl Ulrich Christian Hartwig von Düring) freet.[1] De beiden harrn de Kinner Franz Georg Karl Hermann (* 22. Oktober 1860) un Friedrich Wilhelm Karl Gustav (6. Januar 1864–2. November 1963).[1] Nadem siene eerste Fro doodbleven is, hett he an’n 27. Juli 1876 in Kronberg in twete Eh Charlotte Claren (17. Juni 1831 7. Oktober 1902; Dochter von Heinrich Georg Friedrich Claren) freet.[1]
Footnoten
[ännern | Bornkood ännern]- ↑ a b c d e f g h i j k Genealogisches Handbuch bürgerlicher Familien, ein Deutsches Geschlechterbuch. Band 17, C. A. Starke, Görlitz 1910, S. 43 (Digitalisat)
- ↑ a b c d Parlamentarisches Handbuch für den Deutschen Reichstag und den Preussischen Landtag. Band 1, Utgaav 2, Fr. Kortkampf, 1874, Sied 45