Guido Monzino
.jpg)
Graf Guido Monzino (* 2. März 1928 in Mailand; † 11. Oktober 1988) weer en italieensch Bargstieger un Forscher. He weer 1973 Baas vun de eerst italieensch Expeditschoon to dat Bestiegen vun den Mount Everest.
Leven
[ännern | Bornkood ännern]Monzino wurr an’ 2. März 1928 in Mailand boren. In sien fröh twintiger Johren is he all up dat Matterhorn steegen. In de Loop vun de Johren hett he 21 Expeditschonen mitmaakt, de hüm nah Patagonien, Äquatorial Afrika, Gröönland, to’n Noordpool un in den Himalaya führen deen. He ünnernehm dorbi ok Touren, de all de eerst berühmt italieensch Forscher un Bargstieger Luigi Amadeo von Savoyen (1873–1933) ünnernommen harr.
Guido Monzino is an’ 11. Oktober 1988 storven un wurr up dat Grundstück vun de Villa del Balbianello an dat Ufer vun den Comer Sees, sien letzt Ünnerkunft, bisett. In sien Villa is hüüd en Museum ünnerbrocht, in dat sück vun hüm sammelt Artefakte befinnen, as Skulpturen vun de Inuit, aber ok Överreste vun sien Expeditschonen, as Hunnenschledden vun sien 1971 dörführt Noordpool-Expeditschoon. Ok sien Sammlungen, Korten un Böker sünd dor utstellt.
Expeditschonen
[ännern | Bornkood ännern]- 1955 West Afrika – Senegal, Guinea un Côte d'Ivoire
- 1956 Westliche Alpen in Italien un de Swiez – Grandes Murailles
- 1957–1958 Patagonien Anden – Torres del Paine, insluutend de Eerstbestiegen vun den nördlichen Tipp
- 1959 Karakoram Bargregion, Pakistan – insluutend de Eerstbestiegen vun den Kanjut Sar I dör Camillo Pellissier
- 1959–1960 Äquatorial-Afrika – Kilimandscharo
- 1960 Westgröönland bit to’n 66. Breedtengrad noord
- 1960–1961 Äquatorial-Afrika – Mount Kenya
- 1961 Westgröönland – 74. Breedengrad noord
- 1961–1962 Äquatorial-Afrika – Ruwenzori
- 1962 Westgröönland – 72. Breedengrad noord mit den Schledden
- 1962 Westgröönland – 77. Breedengrad noord
- 1963 Ostgröönland
- 1963–1964 Sahara – Tibesti
- 1968 Westgröönland – Nautische Expedition
- 1969 Westgröönland – vun Ilulissat nah Qaanaaq per Schledden
- 1969 71. italieensch Expeditschoon to’ Noordpool
- 1970 Vun Qaanaaq to’n Kap Columbia
- 1970 Westgröönland, nautisch Expeditschoon
- 1971 Vun Kap Columbia to’n Noordpool per Schledden
- 1973 Himalaya, Nepal – Baas vun de eerst italieensch Expeditschoon to dat Bestiegen vun den Mount Everest