Grotenhalm

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Grotenhalm
Laag vun Grotenhalm in Düütschland
Basisdaten
Bundsland: Neddersassen
Landkreis: Oosterholt
Gemeen: Hu’e
Inwahners:
Postleettall: 27721
Vörwahl: 0421
Geograafsche Laag:
Koordinaten:53° 11′ N, 8° 42′ O
53° 11′ N, 8° 42′ O

Luftbild von Grotenhalm von Westen keken (2012)
Luftbild von Grotenhalm von Oosten keken (2012)

Grotenhalm (hoochdüütsch Großenhalm) is en Oort in de Gemeen Hu’e in’n Landkreis Oosterholt, Neddersassen. Binnen de Gemeen höört Grotenhalm to’n Oortsdeel Ihlpohl.

Geografie[ännern | Bornkood ännern]

De Oort liggt op de Oosterholter Geest. Dat Water ut dat Rebeed flütt över de Ihl af.

De Naveröörd sünd Ihlpohl in’n Noorden, Hu’e in’n Oosten, Borgdamm in’n Süden un Nee-Leessem in’n Westen.

Grotenhalm grenzt op dree Sieden an Bremen, blots na Noorden is dat Rebeed mit’n Rest von Neddersassen verbunnen.

Historie[ännern | Bornkood ännern]

De Naam Grotenhalm kummt dor von, dat ok dat Rebeed in’n Süüdwesten, dat to Leessem tohöört, Halm nöömt warrt.

An dat Enn von dat 19. Johrhunnert stünnen in Grotenhalm blots twee enkelte Hüüs. Eerst in dat 20. Johrhunnert is de Oort as Vöroortrebeed von Bremen-Noord wussen. Grotenhalm besteiht vondaag to’n gröttsten Deel ut Wahnrebeden, blots in’n Oosten in’n Winkel twüschen de Autobahnen A 27 un A 270 steiht en groot Inkoopszentrum.

Verwaltungsgeschicht[ännern | Bornkood ännern]

De Oort hett bet 1848 to dat Gericht Hu’e höört. Düt Gericht is 1848 Deel von dat Amt Oosterholt worrn, ut dat 1885 wedder de Kreis Oosterholt worrn is. De Kreis Oosterholt hett sik 1932 mit’n Kreis Blomendal to’n hüdigen Kreis Oosterholt tohoopslaten.

Grotenhalm weer fröher jümmer Deel von Hu’e un hett dor to de Överbeker Buurschop tohöört. Later is Grotenhalm aver an de Gemeen Oosterhagen-Ihlpohl wesselt. Düsse Gemeen is an’n 1. März 1974 mit de Gemeenreform in Neddersassen denn aver wedder an de Gemeen Hu’e kamen.

Inwahnertall[ännern | Bornkood ännern]

Johr Inwahners
1885-12-011. Dezember 1885[1] 14 Lüüd, 2 Hüüs
1905-12-011. Dezember 1905[2] 44 Lüüd, 7 Hüüs

Religion[ännern | Bornkood ännern]

Grotenhalm is evangeelsch-luthersch präägt un hett to dat Kaspel von de Johannes-Kark in Hu’e höört.

För de Kathoolschen is de Hillige-Familie-Kark in Oosterholt-Scharmbeek tostännig.

Weertschop un Infrastruktur[ännern | Bornkood ännern]

För Grotenhalm is de freewillige Füürwehr Ihlpohl mit tostännig.

Verkehr[ännern | Bornkood ännern]

Von Grotenhalm ut geiht de Bundsstraat 74 in’n Noordoosten över Hu’e un Oosterholt-Scharmbeek an Hambargen un Gnarrenborg langs na Bremervöör. In’n Süden löppt de Heerstraat (Bremerhobener Heerstraat, fröher Bundsstraat 6) över de Öörd Borg, Grambke, Oshusen un Gröpeln na de Binnenstadt von Bremen. In’n Noorden föhrt de Landsstraat 135 na Stendörp un Heilshoorn un wieder bet na Bremerhoben.

Direkt bi Grotenhalm doot de Opfohrt 15 Ihlpohl op de Autobahn 27 (Afsnidd BremenBremerhoben) un de Opfohrt 16 Bremen-Noord op de A 27/A 270 liggen.

De nächste Bahnhoff is knapp dree Kilometer wied weg in’n Süden de Bahnhoff Borg an de Bahnlien Bremen–Bremerhoben.

Footnoten[ännern | Bornkood ännern]

  1. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 168
  2. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 144